“Gazeta Wyborcza” піша, што рахункі беларускіх чыноўнікаў на чале з Аляксандрам Лукашэнкам, якім забаронены ўезд на тэрыторыю Эўразьвязу, мгуць быць замарожаныя ў найбліжэйшыя дні. Штодзёньнік называе гэты крок аб’яднанай Эўропы “адказам на парушэньні правоў чалавека і фальсыфікацыю вынікаў прэзыдэнцкіх выбараў”.
Камэнтатары, аднак, адзначаюць, што замарожваньне рахункаў гэта акцыя па вялікім рахунку сымбалічная, бо беларускія чыноўнікі маглі даўно да гэтага падрыхтавацца і надзейна схаваць свае грошы.
Апісваючы вызваленьне лідэра гарадзенскіх прадпрымальнікаў Валера Леванеўскага, польская прэса падкрэсьлівае, што ў калёніі яго зьбівалі і ўсяляк каралі за скаргі на парушэньні правоў зьняволеных, у прыватнсьці турэмныя ўлады не дазволілі палітвязьню наведаць магілу бацькі.
Між тым сёньня ў Беластоку будзе абвешчаны вырак у справе сяброў Праграмнай рады ці выдаўцоў тыднёвіка “Ніва” – гэта вядомыя дзеячы беларускай нацыянальнай меншасьці – навукоўцы, літаратары, выкладчыкі.
Пракуратура абвінавачвае іх у няправільным разьмеркаваньні буджэтных сродкаў з датацыяў на выданьне “Нівы”, але прызнае, што ніводзін грош з гэтых датацыяў ня быў скрадзены. Выдаўцы газэты лічаць сябе нявінаватымі і гавораць, што спрабавалі толькі забясьпечыць бесперапынны выхад тыднёвіка.
Пракурор запатрабаваў для іх розныя тэрміны зьняволеньня ўмоўна. На працэсе будуць прысутнічаць шэраг знаных польскіх і беларускіх палітыкаў, сярод якіх лідэр аб’яднаных дэмакратычных сілаў Аляксандар Мілінкевіч.
Камэнтатары, аднак, адзначаюць, што замарожваньне рахункаў гэта акцыя па вялікім рахунку сымбалічная, бо беларускія чыноўнікі маглі даўно да гэтага падрыхтавацца і надзейна схаваць свае грошы.
Апісваючы вызваленьне лідэра гарадзенскіх прадпрымальнікаў Валера Леванеўскага, польская прэса падкрэсьлівае, што ў калёніі яго зьбівалі і ўсяляк каралі за скаргі на парушэньні правоў зьняволеных, у прыватнсьці турэмныя ўлады не дазволілі палітвязьню наведаць магілу бацькі.
Між тым сёньня ў Беластоку будзе абвешчаны вырак у справе сяброў Праграмнай рады ці выдаўцоў тыднёвіка “Ніва” – гэта вядомыя дзеячы беларускай нацыянальнай меншасьці – навукоўцы, літаратары, выкладчыкі.
Пракуратура абвінавачвае іх у няправільным разьмеркаваньні буджэтных сродкаў з датацыяў на выданьне “Нівы”, але прызнае, што ніводзін грош з гэтых датацыяў ня быў скрадзены. Выдаўцы газэты лічаць сябе нявінаватымі і гавораць, што спрабавалі толькі забясьпечыць бесперапынны выхад тыднёвіка.
Пракурор запатрабаваў для іх розныя тэрміны зьняволеньня ўмоўна. На працэсе будуць прысутнічаць шэраг знаных польскіх і беларускіх палітыкаў, сярод якіх лідэр аб’яднаных дэмакратычных сілаў Аляксандар Мілінкевіч.
