Лінкі ўнівэрсальнага доступу

Акцыя памяці Захаранкі доўжылася некалькі хвілінаў


Радыё Свабода Акцыя памяці Юр’я Захаранкі і салідарнасьці з палітычнымі зьняволенымі на Кастрычніцкай плошчы доўжылася некалькі хвілінаў. Каля 60 актывістаў дэмакратычных рухаў сталі ланцугом уздоўж праспэкту, трымаючы ў руках партрэты зьніклых і палітычных вязьняў і ружы.

Супрацоўнікі міліцыі заявілі ўдзельнікам акцыі, што яна несанкцыянаваная, і прапанавалі цягам 5 хвілінаў разысьціся, інакш адбудуцца затрыманьні. Праз некалькі хвілінаў актывісты разышліся, і байцы спэцназу правялі іх да цырку.

На падыходзе да Кастрычніцкай плошчы міліцыянты затрымалі некалькі чалавек, у тым ліку і лідэра АГП Анатоля Лябедзьку. Была зьбітая моладзевая актывістка Любоў Кучынская. Увечары 10 траўня ўсіх затрыманых адпусьцілі.
XS
SM
MD
LG