Спадароў Губарэвіча і Пракурата затрымалі ўчора каля берасьцейскага гатэлю “Беларусь” за некалькі хвілінаў да пачатку акцыі “Сьвечка памяці”. Акцыя пачалася а 20-й гадзіне каля аднаго з прыпынкаў грамадзкага транспарту ў цэнтры гораду і была прымеркаваная да гадавіны аварыі на Чарнобыльскай АЭС.
Спаслаўшыся на неадпаведнасьць рэгістрацыйных нумароў машыны, у якой знаходзіліся Юрась Губарэвіч і Яўген Пракурат, супрацоўнікі ДАІ даставілі іх у Маскоўскі раённы аддзел унутраных спраў Берасьця. Там была названая іншая прычына затрыманьня: нібыта ў міліцыянтаў зьявіліся зьвесткі, што ў гэтай машыне перавозіліся наркатычныя рэчывы.
Некалькі гадзінаў прайшлі ў чаканьні экспэртаў, якія замест наркотыкаў знайшлі у аўтамабілі апазыцыйнага палітыка надрукаваную афіцыйным чынам улётку і перадвыбарчую праграму Аляксандра Мілінкевіча. Спадароў Губарэвіча і Пракурата адпусьцілі з пастарунка а 23-й гадзіне.
Юрась Губарэвіч лічыць, што галоўным матывам ягонага прэвэнтыўнага затрыманьня сталася менавіта акцыя “Сьвечка памяці”, бо ўвесь час міліцыянты шукалі арганізатараў гэтага мерапрыемства. Удзел у акцыі бралі больш за 150 берасьцейцаў, якія з запаленымі сьвечкамі і лямпадкамі моўчкі стаялі ўздоўж праспэкта Машэрава.
Аналягічная акцыя ўвечары 26 красавіка прайшла таксама на галоўнай плошчы Бярозы.
Спаслаўшыся на неадпаведнасьць рэгістрацыйных нумароў машыны, у якой знаходзіліся Юрась Губарэвіч і Яўген Пракурат, супрацоўнікі ДАІ даставілі іх у Маскоўскі раённы аддзел унутраных спраў Берасьця. Там была названая іншая прычына затрыманьня: нібыта ў міліцыянтаў зьявіліся зьвесткі, што ў гэтай машыне перавозіліся наркатычныя рэчывы.
Некалькі гадзінаў прайшлі ў чаканьні экспэртаў, якія замест наркотыкаў знайшлі у аўтамабілі апазыцыйнага палітыка надрукаваную афіцыйным чынам улётку і перадвыбарчую праграму Аляксандра Мілінкевіча. Спадароў Губарэвіча і Пракурата адпусьцілі з пастарунка а 23-й гадзіне.
Юрась Губарэвіч лічыць, што галоўным матывам ягонага прэвэнтыўнага затрыманьня сталася менавіта акцыя “Сьвечка памяці”, бо ўвесь час міліцыянты шукалі арганізатараў гэтага мерапрыемства. Удзел у акцыі бралі больш за 150 берасьцейцаў, якія з запаленымі сьвечкамі і лямпадкамі моўчкі стаялі ўздоўж праспэкта Машэрава.
Аналягічная акцыя ўвечары 26 красавіка прайшла таксама на галоўнай плошчы Бярозы.