Ля Акадэміі Навук -- некалькі тысяч чалавек

Людзі стаяць каля Акадэміі навук, чакаюць пакуль падыдзе калёна з Кастрычніцкай плошчы, скандуюць лёзунгі "Свабоду Сасіму", "Свабоду", "Жыве Беларусь!". Ужо зроблена пляцоўка-трыбуна, дзе будуць выступаць актывісты. На гэты момант сабралася некалькі тысяч чалавек. Тэрыторыя перад Акадэміяй Навук цалкам занятая людзьмі. Шмат сьцягоў, у асноўным гэта бел-чырвона-белыя сьцягі. Таксама па шыльдах бачна, што ёсьць прадстаўнікі з рэгіёнаў -- Берасьце, Пінск, Гомель, Сьветлагорск...