Лінкі ўнівэрсальнага доступу

logo-print

Папа Бэнэдыкт XVI памаліўся за ахвяраў Чарнобыля


Радыё Свабода Папа Бэнэдыкт XVI сёньня маліўся за ахвяраў Чарнобыльскай катастрофы. Зьвяртаючыся да тысячаў пілігрымаў, якія сабраліся на плошчы Сьвятога Пятра ў Ватыкане, Папа заклікаў ўсе краіны выкарыстоўваць ядзерную энэргію толькі ў мірных мэтах і спосабамі, бясьпечнымі для навакольнага асяродзьдзя.

Папа Бэнэдыкт XVI сказаў:

(Бэнэдыкт XVI: ) "У гэты дзень я лічу сваім абавязкам выказаць маю глыбокую ўдзячнасьць сем''ям, арганізацыям, цывільным уладам і хрысьціянскім грамадам, якія на працягу ўсіх гэтых гадоў імкнуліся даць прытулак і дапамогу людзям , і асабліва дзецям, пацярпелым у выніку гэтай жахлівай катастрофы.

Мы ізноў молімся за ахвяраў гэтага бедзтва, за тых, хто носіць яго сьляды на сваім целе, і мы просім Бога, каб ён прасьвяціў тых, хто адказны за лёс чалавецтва , каб энэргія была скіраваная выключна на службу міру, з павагай да патрэбаў чалавека і прыроды".
XS
SM
MD
LG