Першае паседжаньне Лідзкага раённага суду ў гэтай справе адбылося ў Астраўцы, а сёньня судовы працэс працягваўся ў Лідзе. У судзе высьветлілася: рэчавага доказу — курткі міліцыянта, зь якой Іван Крук нібыта зрываў пагоны — з Астраўца не прывезьлі. Без дасьледаваньня рэчавага доказу суд ня здолеў працягваць паседжаньне.
Іван Крук, як і падчас сьледзтва, заявіў у судзе, што справу супраць яго сфабрыкавалі супрацоўнікі міліцыі. Ён сьцьвярджае, што ніякіх гвалтоўных дзеяньняў да міліцыянта не ўжываў, а справу завялі, бо ён зьбіраў подпісы за апазыцыйнага кандыдата. Падчас ператрусу ў кватэры Крука былі суседзі й знаёмыя — яны засьведчылі ў судзе, што Крук гвалту да міліцыянта не ўжываў.
Ператрус у кватэры Івана Крука, які ў той час зьбіраў подпісы за Аляксандра Мілінкевіча, адбыўся таму, што міліцыя западозрыла ягонага сына-дзесяціклясьніка ў крадзяжы грошай.
Ніякіх улікаў міліцыянты супраць сына не знайшлі, але іх зацікавіў кампутар, пятнаццаць бюлетэняў Кангрэсу дэмакратычных сілаў, некалькі экзэмпляраў мясцовага бюлетэню “Інфарматар”. Кампутара Іван Крук забраць ня даў — скінуў яго са стала на падлогу й разьбіў.
Суд над актывістам адкладзены на 5 траўня.
Іван Крук, як і падчас сьледзтва, заявіў у судзе, што справу супраць яго сфабрыкавалі супрацоўнікі міліцыі. Ён сьцьвярджае, што ніякіх гвалтоўных дзеяньняў да міліцыянта не ўжываў, а справу завялі, бо ён зьбіраў подпісы за апазыцыйнага кандыдата. Падчас ператрусу ў кватэры Крука былі суседзі й знаёмыя — яны засьведчылі ў судзе, што Крук гвалту да міліцыянта не ўжываў.
Ператрус у кватэры Івана Крука, які ў той час зьбіраў подпісы за Аляксандра Мілінкевіча, адбыўся таму, што міліцыя западозрыла ягонага сына-дзесяціклясьніка ў крадзяжы грошай.
Ніякіх улікаў міліцыянты супраць сына не знайшлі, але іх зацікавіў кампутар, пятнаццаць бюлетэняў Кангрэсу дэмакратычных сілаў, некалькі экзэмпляраў мясцовага бюлетэню “Інфарматар”. Кампутара Іван Крук забраць ня даў — скінуў яго са стала на падлогу й разьбіў.
Суд над актывістам адкладзены на 5 траўня.
