У 80-я гады ў Польшчы існавала каля 140 станцыяў радыялягічнага кантролю, якія існавалі, каб рэгістраваць зьмяненьне ўзроўню радыяцыі на выпадак вайны.
Уначы з 27 на 28 красавіка, адна зь іх у мясцовасьці Мікалайкі – недалёка ад мяжы зь Беларусьсю – зафіксавала значнае падвышэньне ўзроўню радыяцыі – да Польшчы дайшла радыеактыўная хмара. У гэты ж дзень польскія навукоўцы паінфармавалі ўрад, што гэта хутчэй за ўсё вынік выбуху на нейкай з атамных электрастанцыяў.
Савецкі саюз, нягледзячы на адпаведныя міждзяржаўныя пагадненьні нічога Польшчы не паведамляў.
Успамінае прафэсар Збігнеў Явароўскі – у 80-я гады супрацоўнік Цэнтральнай лябараторыі радыялягічнай абароны:
(Явароўскі: ) “Наш урад быў адзіным урадам у Эўропе, які сабраўся ўвечары на паседжаньне ў гэтай справе – каля чацьвертай гадзіны раніцы запрасілі навукоўцаў, была створаная гэтак званая чарнобыльская камісія, якая вельмі эфэктыўна кіравала акцыяй абароны людзей ад наступстваў катастрофы. Ніхто ў сьвеце нічога падобнага не зрабіў”.
Ужо 29 сакавіка польскі ўрад загадаў не спажываць малако ад кароваў з рэгіёнаў, дзе можа быць забруджанай зямля, дакладна мыць грыбы і ягады, было вырашана набыць на Захадзе вялікую колькасьць малака ў парашку – людзі пачалі атрымліваць ёдавы напой.
Паводле навукоўцаў, такія хуткія захады выратавалі тысячы палякаў – ад 1986 году колькасьць ракавых захворваньняў у Польшчы не павялічылася.
Адметна, што на пачатку ва ўрадзе ПНР спрачаліся – паведамляць насельніцтву праўдзівую інфармацыю пра тое, што адбылося ці не. Праўду пачалі казаць ужо 30 красавіка, аднак адмяніць у краіне першамайскія дэманстрацыі камуністы не адважыліся.
У Польшчы добра ведаюць, што такое Чарнобыль.
“У пабытовых размовах, калі нехта кажа Чарнобыль, дык гэта сымбаль пагрозы, няшчасьця”, – кажа сацыёляг Ежы Новак.
Праз два тыдні пасьля выбуху ў Чарнобылі бард “Салідарнасьці” Яцак Качмарскі напісаў песьню, прысьвечаную трагедыі, дзе ёсьць такія словы:
"Іх забіваюць паволі Як бы мімаходам Не пужае і не баліць Паўзучая сьмерць каля парогу".
Уначы з 27 на 28 красавіка, адна зь іх у мясцовасьці Мікалайкі – недалёка ад мяжы зь Беларусьсю – зафіксавала значнае падвышэньне ўзроўню радыяцыі – да Польшчы дайшла радыеактыўная хмара. У гэты ж дзень польскія навукоўцы паінфармавалі ўрад, што гэта хутчэй за ўсё вынік выбуху на нейкай з атамных электрастанцыяў.
Савецкі саюз, нягледзячы на адпаведныя міждзяржаўныя пагадненьні нічога Польшчы не паведамляў.
Успамінае прафэсар Збігнеў Явароўскі – у 80-я гады супрацоўнік Цэнтральнай лябараторыі радыялягічнай абароны:
(Явароўскі: ) “Наш урад быў адзіным урадам у Эўропе, які сабраўся ўвечары на паседжаньне ў гэтай справе – каля чацьвертай гадзіны раніцы запрасілі навукоўцаў, была створаная гэтак званая чарнобыльская камісія, якая вельмі эфэктыўна кіравала акцыяй абароны людзей ад наступстваў катастрофы. Ніхто ў сьвеце нічога падобнага не зрабіў”.
Ужо 29 сакавіка польскі ўрад загадаў не спажываць малако ад кароваў з рэгіёнаў, дзе можа быць забруджанай зямля, дакладна мыць грыбы і ягады, было вырашана набыць на Захадзе вялікую колькасьць малака ў парашку – людзі пачалі атрымліваць ёдавы напой.
Паводле навукоўцаў, такія хуткія захады выратавалі тысячы палякаў – ад 1986 году колькасьць ракавых захворваньняў у Польшчы не павялічылася.
Адметна, што на пачатку ва ўрадзе ПНР спрачаліся – паведамляць насельніцтву праўдзівую інфармацыю пра тое, што адбылося ці не. Праўду пачалі казаць ужо 30 красавіка, аднак адмяніць у краіне першамайскія дэманстрацыі камуністы не адважыліся.
У Польшчы добра ведаюць, што такое Чарнобыль.
“У пабытовых размовах, калі нехта кажа Чарнобыль, дык гэта сымбаль пагрозы, няшчасьця”, – кажа сацыёляг Ежы Новак.
Праз два тыдні пасьля выбуху ў Чарнобылі бард “Салідарнасьці” Яцак Качмарскі напісаў песьню, прысьвечаную трагедыі, дзе ёсьць такія словы:
"Іх забіваюць паволі Як бы мімаходам Не пужае і не баліць Паўзучая сьмерць каля парогу".