Дэпутаты Думы асудзілі пэрсанальныя візавыя санкцыі краінаў Захаду супраць вышэйшага кіраўніцтва Беларусі, якія былі ўведзеныя пасьля несумленных і фальсыфікаваных выбараў 19 сакавіка, і выказалі занепакоенасьць замежнымі “спробамі ўмяшаньня ва ўнутраныя справы сувэрэннай дзяржавы”, выкарыстаньнем “падвойных стандартаў” з боку Эўрапейскага зьвязу.
Дзярждума Расеі назвала рэакцыю Захаду на беларускія выбары “грубай непавагай да выбару беларускіх выбарцаў, якія 19 сакавіка 2006 года падтрымалі курс кіраўніцтва краіны, аддаўшы за дзейнага прэзыдэнта рэспублікі абсалютную большасьць галасоў”.
Расейская Дума адкінула таксама абвінавачваньні з Захаду і на адрас Расеі ў падтрымцы дыктатарскага рэжыму Лукашэнкі. Расейскі парлямэнт сьцьвярджае, што Расея дае “грамадзянам Беларусі ўсебаковую падтрымку і разьвівае ўзаемавыгаднае супрацоўніцтва”.
Апрача таго дэпутаты Дзярждумы пацьвярджаюць сваю прыхільнасьць далейшай пабудове так званай "саюзнай" дзяржавы Расеі і Беларусі.
Заява расейскіх дэпутатаў будзе накіраваная ў Парлямэнцкую асамблею Рады Эўропы, АБСЭ, Эўрапарлямэнт і ў Нацыянальны сход Беларусі.
Дзярждума Расеі назвала рэакцыю Захаду на беларускія выбары “грубай непавагай да выбару беларускіх выбарцаў, якія 19 сакавіка 2006 года падтрымалі курс кіраўніцтва краіны, аддаўшы за дзейнага прэзыдэнта рэспублікі абсалютную большасьць галасоў”.
Расейская Дума адкінула таксама абвінавачваньні з Захаду і на адрас Расеі ў падтрымцы дыктатарскага рэжыму Лукашэнкі. Расейскі парлямэнт сьцьвярджае, што Расея дае “грамадзянам Беларусі ўсебаковую падтрымку і разьвівае ўзаемавыгаднае супрацоўніцтва”.
Апрача таго дэпутаты Дзярждумы пацьвярджаюць сваю прыхільнасьць далейшай пабудове так званай "саюзнай" дзяржавы Расеі і Беларусі.
Заява расейскіх дэпутатаў будзе накіраваная ў Парлямэнцкую асамблею Рады Эўропы, АБСЭ, Эўрапарлямэнт і ў Нацыянальны сход Беларусі.