Беларускі дэмакратычны фонд салідарнасьці, гэта, як гаворыцца ў праграмнай заяве арганізацыі “Беларуская, цалкам грамадзкая ініцыятыва, арганізаваная ды кіраваная Беларускімі грамадзянамі новай хвалі”. Фонд паўстаў за два месяцы да прэзыдэнцкіх выбараў, і галоўная мэта ягонай дзейнасьці – дапамога ахвярам палітычных рэпрэсіяў у Беларусі, што актыўна рабілася ў часе выбараў і пасьля галасаваньня, калі пачаліся масавыя рэпрэсіі.
Гаворыць дырэктар фонду Янка Чурыловіч:
(Чурыловіч: ) “Мы будзем працягваць працаваць, як працавалі раней. Цяпер назапашваем сродкі, каб працягваць дапамогу тым, хто яе сапраўды патрабуе. Атрымліваем розныя ахвяраваньні – нават вось 5 эўра прыйшло, нехта ахвяраваў”.
Іншыя ахвяруюць па 10, 50 і нават паўтысячы эўра.
Неабходнасьць дапамогі ахвярам палітычных рэпрэсіяў у Беларусі добра разумеюць у Эўропе – сябрамі назіральнай Рады фонду пагадзіліся стаць, сярод іншых, былы кіраўнік Літвы, прафэсар Вітаўтас Ландсбэргіс і вось цяпер былы прэм''ер-міністар Польшчы, прафэсар Ежы Бузэк.
Былы прэм’ер-міністар заявіў Радыё Свабода:
(Бузэк: ) “Людзі, якія церпяць ад перасьледу ў такіх краінах, як сёньняшняя Беларусь, павінны быць упэўненыя ў тым, што ўся Эўропа, сьвет, памятаюць пра іх. Я памятаю, як у 70-я і 80-я гады для нас былі важныя сыгналы зь Нямеччыны, ЗША, Францыі, што пра нашую барацьбу ведаюць, сыгналы падтрымкі. У тым ліку дзякуючы і гэтаму мы змаглі перамагчы камуністычны рэжым”.
(Больш інфармацыі на старонцы: www.belarussolidarity.org)
Гаворыць дырэктар фонду Янка Чурыловіч:
(Чурыловіч: ) “Мы будзем працягваць працаваць, як працавалі раней. Цяпер назапашваем сродкі, каб працягваць дапамогу тым, хто яе сапраўды патрабуе. Атрымліваем розныя ахвяраваньні – нават вось 5 эўра прыйшло, нехта ахвяраваў”.
Іншыя ахвяруюць па 10, 50 і нават паўтысячы эўра.
Неабходнасьць дапамогі ахвярам палітычных рэпрэсіяў у Беларусі добра разумеюць у Эўропе – сябрамі назіральнай Рады фонду пагадзіліся стаць, сярод іншых, былы кіраўнік Літвы, прафэсар Вітаўтас Ландсбэргіс і вось цяпер былы прэм''ер-міністар Польшчы, прафэсар Ежы Бузэк.
Былы прэм’ер-міністар заявіў Радыё Свабода:
(Бузэк: ) “Людзі, якія церпяць ад перасьледу ў такіх краінах, як сёньняшняя Беларусь, павінны быць упэўненыя ў тым, што ўся Эўропа, сьвет, памятаюць пра іх. Я памятаю, як у 70-я і 80-я гады для нас былі важныя сыгналы зь Нямеччыны, ЗША, Францыі, што пра нашую барацьбу ведаюць, сыгналы падтрымкі. У тым ліку дзякуючы і гэтаму мы змаглі перамагчы камуністычны рэжым”.
(Больш інфармацыі на старонцы: www.belarussolidarity.org)
