Напярэдадні намесьнік міністра замежных справаў Польшчы Вітальд Вашчыкоўскі заявіў, што Варшава станоўча адказала на афіцыйны запыт Вашынгтону на пытаньне, ці зацікаўленая Польшча ў перамовах з ЗША што да пабудовы на польскай тэрыторыі часткі амэрыканскай сыстэмы супрацьракетнай абароны.
“Мы адказалі, што зацікаўленыя і будзем чакаць больш падрабязнай інфармацыі ад ЗША. Калі менавіта Польшча будзе абраная для далейшых перамоваў – а тут галоўны канкурэнт гэта Чэхія – дык перамовы можна будзе пачынаць ужо ў ліпені сёлета”, – заявіў намесьнік міністра.
На дадзены момант, як заявіў цяпер віцэ-міністар замежных справаў, а раней казаў прэзыдэнт Лех Качыньскі, Польшча пакуль не давала ніякіх абавязацельстваў у гэтай справе.
“Канечне, мы ў гэтым зацікаўленыя”, – кажа віцэ-прэм’ер польскага ўраду Людвік Дорн, але разам зь іншымі прадстаўнікамі кабінэту заяўляе пра неабходнасьць правядзеньня грамадзкага абмеркаваньня гэтага праекту.
Пры гэтым варта адзначыць, што далучэньне да амэрыканскай сыстэмы ўпершыню ў гісторыі запісанае ў праграме цяперашняга польскага ўраду – ураду Казімежа Марцінкевіча.
Апазыцыя, у сваю чаргу, крытыкуе ўрад у гэтым пытаньні.
(Алейнічак: ) “Гэта, фактычна, азначае, што ў выпадку пабудовы такой сыстэмы Польшчы будуць пагражаць з аднаго боку тэрарысты, а з другога, калі б пачаўся ўзброены канфлікт, дык першае, што вораг хацеў бы зьліквідаваць, гэта сыстэму супрацьракетнай абароны на нашай тэрыторыі”, – заявіў лідэр посткамуністычнага Саюзу левых дэмакратаў Войцех Алейнічак, адзначыўшы пры гэтым, што гэты праект дадаткова папсуе дачыненьні з Расеяй.
Няма згоды таксама і сярод навукоўцаў. Адмыслоўца ў справе стратэгічных дасьледаваньняў, прафэсар Варшаўскага ўнівэрсытэту Раман Кузьняр лічыць, што амэрыканская сыстэма Польшчы непатрэбная, бо краіна дастаткова бясьпечна пачуваецца ў НАТО і Эўразьвязе. Між тым калега спадара Кузьняра, прафэсар Збігнеў Лявіцкі наадварот перакананы, што сыстэму супрацьракетнай абароны трэба будаваць, “хаця б для таго, каб падтрымаць дачыненьні зь дзяржавай, якая ў будучыні можа быць адзінай краінай, якая стане на нашым баку”.
“Мы адказалі, што зацікаўленыя і будзем чакаць больш падрабязнай інфармацыі ад ЗША. Калі менавіта Польшча будзе абраная для далейшых перамоваў – а тут галоўны канкурэнт гэта Чэхія – дык перамовы можна будзе пачынаць ужо ў ліпені сёлета”, – заявіў намесьнік міністра.
На дадзены момант, як заявіў цяпер віцэ-міністар замежных справаў, а раней казаў прэзыдэнт Лех Качыньскі, Польшча пакуль не давала ніякіх абавязацельстваў у гэтай справе.
“Канечне, мы ў гэтым зацікаўленыя”, – кажа віцэ-прэм’ер польскага ўраду Людвік Дорн, але разам зь іншымі прадстаўнікамі кабінэту заяўляе пра неабходнасьць правядзеньня грамадзкага абмеркаваньня гэтага праекту.
Пры гэтым варта адзначыць, што далучэньне да амэрыканскай сыстэмы ўпершыню ў гісторыі запісанае ў праграме цяперашняга польскага ўраду – ураду Казімежа Марцінкевіча.
Апазыцыя, у сваю чаргу, крытыкуе ўрад у гэтым пытаньні.
(Алейнічак: ) “Гэта, фактычна, азначае, што ў выпадку пабудовы такой сыстэмы Польшчы будуць пагражаць з аднаго боку тэрарысты, а з другога, калі б пачаўся ўзброены канфлікт, дык першае, што вораг хацеў бы зьліквідаваць, гэта сыстэму супрацьракетнай абароны на нашай тэрыторыі”, – заявіў лідэр посткамуністычнага Саюзу левых дэмакратаў Войцех Алейнічак, адзначыўшы пры гэтым, што гэты праект дадаткова папсуе дачыненьні з Расеяй.
Няма згоды таксама і сярод навукоўцаў. Адмыслоўца ў справе стратэгічных дасьледаваньняў, прафэсар Варшаўскага ўнівэрсытэту Раман Кузьняр лічыць, што амэрыканская сыстэма Польшчы непатрэбная, бо краіна дастаткова бясьпечна пачуваецца ў НАТО і Эўразьвязе. Між тым калега спадара Кузьняра, прафэсар Збігнеў Лявіцкі наадварот перакананы, што сыстэму супрацьракетнай абароны трэба будаваць, “хаця б для таго, каб падтрымаць дачыненьні зь дзяржавай, якая ў будучыні можа быць адзінай краінай, якая стане на нашым баку”.