Лінкі ўнівэрсальнага доступу

Суд адхіліў скаргу адвакатаў Казуліна на яго незаконнае затрыманьне


Алег Грузьдзіловіч, Менск. Суд Цэнтральнага раёну Менску вырашыў, што “Аляксандар Казулін быў затрыманы законна”. На гэтай падставе адвакатам экс-кандыдата на пасаду прэзыдэнта адмоўлена ў зьмене меры стрыманьня для Аляксандра Казуліна.

Аляксандра Казуліна затрымалі 25 сакавіка пасьля спробы на чале калёны дэманстрантаў прайсьці да турмы на Акрэсьціна, дзе ўтрымлівалі тых, хто пратэставаў супроць фальсыфікацыі выбараў. Экс-кандыдата на пасаду прэзыдэнта абвінавацілі ў арганізацыі вулічных непарадкаў. Раней яму выставілі абвінавачаньне ў злосным хуліганстве. Аляксандру Казуліну пагражае да 6 гадоў зьняволеньня. Ён сваёй віны не прызнае і тлумачыць перасьлед палітычнымі прычынамі.
XS
SM
MD
LG