Сяргея абвінавацілі ў парушэньні грамадзкага парадку 2 сакавіка каля будынку ўпраўленьня міліцыі Кастрычніцкага раёну. У той дзень там сабраліся паплечнікі Аляксандра Казуліна, затрыманага за спробу зарэгістравацца дэлегатам на Ўсебеларускі народны сход. Людзей затрымалі, склалі пратаколы і адпусьцілі да суду.
Калі ішлі суды, Сяргей ужо адбываў 5 сутак арышту. Яго затрымалі 17 сакавіка з агітацыйнымі матэрыяламі і, як некалькі дзесяткаў іншых апазыцыянэраў, судзілі за дробнае хуліганства.
Апошні раз яго затрымалі ў часе ліквідацыі намётавага лягеру на Кастрычніцкай плошчы. Сяргея моцна зьбілі. “Хуткая дапамога” адвезла яго ў шпіталь, адкуль, нягледзячы на чэрапна-мазгавую траўму, ён зьехаў на таксоўцы.
Сёньня яго выклікаў на размову ўчастковы міліцыянт. У выніку яго затрымалі і адвезьлі ў турму адбываць арышт.
Анатоль Ляўковіч – адзін з бліжэйшых паплечнікаў Аляксандра Казуліна – лічыць, што новая хваля арыштаў ёсьць зачысткай напярэдадні “Чарнобыльскага шляху”.
(Ляўковіч: ) "Гэта зачыстка. Рэжым, як кажуць, працуе ў сваёй сыстэме і сваімі мэтадамі. Я думаю, што самых актыўных сяброў будуць зараз спыняць, прымяняць прэвэнтыўныя меры, як гэта рабілася ў самой кампаніі. Самых актыўных бяруць, іншыя на гэта глядзяць і таксама падвяргаюцца такому псыхалягічнаму прэсінгу".
Паплечнікі Сяргея Кастыленкі не выключаюць, што пасьля адбыцьця 5 сутак арышту Сяргей зноў апынецца за кратамі. Яго могуць арыштаваць за ўдзел у апазыцыйнай акцыі на Кастрычніцкай плошчы.
Калі ішлі суды, Сяргей ужо адбываў 5 сутак арышту. Яго затрымалі 17 сакавіка з агітацыйнымі матэрыяламі і, як некалькі дзесяткаў іншых апазыцыянэраў, судзілі за дробнае хуліганства.
Апошні раз яго затрымалі ў часе ліквідацыі намётавага лягеру на Кастрычніцкай плошчы. Сяргея моцна зьбілі. “Хуткая дапамога” адвезла яго ў шпіталь, адкуль, нягледзячы на чэрапна-мазгавую траўму, ён зьехаў на таксоўцы.
Сёньня яго выклікаў на размову ўчастковы міліцыянт. У выніку яго затрымалі і адвезьлі ў турму адбываць арышт.
Анатоль Ляўковіч – адзін з бліжэйшых паплечнікаў Аляксандра Казуліна – лічыць, што новая хваля арыштаў ёсьць зачысткай напярэдадні “Чарнобыльскага шляху”.
(Ляўковіч: ) "Гэта зачыстка. Рэжым, як кажуць, працуе ў сваёй сыстэме і сваімі мэтадамі. Я думаю, што самых актыўных сяброў будуць зараз спыняць, прымяняць прэвэнтыўныя меры, як гэта рабілася ў самой кампаніі. Самых актыўных бяруць, іншыя на гэта глядзяць і таксама падвяргаюцца такому псыхалягічнаму прэсінгу".
Паплечнікі Сяргея Кастыленкі не выключаюць, што пасьля адбыцьця 5 сутак арышту Сяргей зноў апынецца за кратамі. Яго могуць арыштаваць за ўдзел у апазыцыйнай акцыі на Кастрычніцкай плошчы.