Лінкі ўнівэрсальнага доступу

“Газпром” настойвае на падвышэньні цэны на газ для Беларусі ўтрая


Радыё Свабода “Газпром” мае намер прадаваць газ Беларусь паводле агульнапрынятай формулы цаны, якая залежыць перш за ўсё ад каньюнктуры рынку і ад цэнаў на кошык нафтапрадуктаў” – пра гэта заявіў сёньня ў інтэрвію Агенцтву газавай інфармацыі намесьнік кіраўніка “Газпрому” Аляксандар Разанаў.

Спадар Разанаў падкрэсьліў, што пры гэтым цана газу падвысіцца як мінімум у тры разы. “А можа і вышэй – дадаў прадстаўнік “Газпрому”, – бо цэны на эўрапейскім рынку цэны працягваюць расьці”.

Разанаў нагадаў, што “Газпром” ажыцьцяўляе пераход на рынкавыя прынцыпы супрацоўніцтва з усімі бяз выключэньня краінамі цягам некалькіх апошніх гадоў.

Паводле яго, у 2005 годзе Беларусь прыняла шэраг рашэньняў, спрыяльных для “Газпрому”: былі аформленыя правы ўласнасьці расейскага канцэрну на беларускі ўчастак газаправоду “Ямал-Заходняя Эўропа”, перададзеная ў доўгатэрміновую арэнду зямля пад газаправодам. Таму паводле Разанава, Беларусь атрымала найбольш камфортныя ўмовы пераходнага пэрыяду – пераход на эўрапейскія цэны для Беларусі адбудзецца ў 2007 годзе.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG