Пэнсіянэрка Антаніна Плісун калісьці загадвала фэрмай у “Советской Белоруссии”. Як яна ўспрымае адстаўку знакамітага старшыні і аднавяскоўца?
(Плісун: ) “Я думаю тое, што яны няправільна паставіліся да яго. Хіба можна так ставіцца да чалавека, які адпрацаваў 50 гадоў?! Першы дзень пайшла на сход, а на другі дзень не пайшла зусім. Прыйшла нейкая жанчына з міністэрства – яна ўжо камандуе, яна ўжо намесьніца міністра… Навошта такую камэдыю рабіць з чалавека? Двойчы Герой, калгас ардэнаносны… Калі вы начальства, то навошта так абражаць чалавека?! Гэта ж ганьба! Гэта ж яму вельмі цяжка перажыць”.
Нагадаю, тыдзень таму вяскоўцы сабраліся ў мясцовым Палацы культуры, дзе Ўладзімер Бядуля зьбіраўся рабіць справаздачу – ня толькі расказаць пра дасягненьні гаспадаркі, а й агучыць пляны на будучыню. Але начальства настойліва прапанавала абвясьціць сход справаздачна-выбарчым. Для двойчы Героя ды жыхароў Расна такая ініцыятыва была настолькі нечаканай, што вырашылі паўторна сабрацца наступным днём. Бядуля ноч думаў і ня стаў удзельнічаць у выбарах, а напісаў заяву пра адстаўку. Хто быў яе сапраўдным ініцыятарам, былы старшыня назваць адмовіўся:
(Бядуля: ) “Ня трэба. Я вас прашу. Не рабіце мне “мядзьведжай паслугі”.
(Карэспандэнт: ) “Чаму так лічыце?”
(Бядуля : ) “Гэта іншае пытаньне. Праз два-тры тыдні стэлефануемся”.
Уладзімер Бядуля да адстаўкі быў самай ганараванай асобай у асяродзьдзі кіраўнікоў сельгаспрадпрыемстваў. З прыходам да ўлады Аляксандра Лукашэнкі Бядуля пачаў ухваляць яго палітыку, у тым ліку аграрную. У сваю чаргу, прэзыдэнт не аднойчы выкарыстоўваў знакамітага старшыню для падтрымкі свайго курсу. І вось – нечаканая разьвязка, хоць яшчэ на нядаўнім так званым Усебеларускім сходзе старшыня і прэзыдэнт былі разам у прэзыдыюме. Яшчэ адзін знакаміты экс-старшыня – двойчы Герой Сацыялістычнай працы Васіль Старавойтаў лічыць, што такі фінал кар’еры спадара Бядулі немагчымы бяз санкцыі кіраўніка краіны. Нагадаю, у адрозьненьне ад Уладзімера Бядулі, пры канцы 1990-х гадоў Лукашэнка падтрымаў ціск праваахоўных органаў на некалі славутага кіраўніка калгасу “Расьсвет” Кіраўскага раёну, якое ўрэшце закончылася турэмным пакараньнем старога ўжо чалавека. Васіль Старавойтаў нагадаў, што ў тыя складаныя для яго часы ён так і не дачакаўся падтрымкі ад калегаў-старшыняў, у тым ліку й ад Уладзімера Бядулі:
(Старавойтаў: ) “Ды не! Гэты чалавек ня можа гэтага рабіць. Я не магу сказаць, што ў Бядулі ёсьць нешта добрае, чалавечае ў дачыненьні да мяне. Ён са мной ніколі не размаўляў пасьля таго, як гэта здарылася са мною. І я сувязі зь ім ня маю. Ён – вялікі каньюнктуршчык”.
(Плісун: ) “Я думаю тое, што яны няправільна паставіліся да яго. Хіба можна так ставіцца да чалавека, які адпрацаваў 50 гадоў?! Першы дзень пайшла на сход, а на другі дзень не пайшла зусім. Прыйшла нейкая жанчына з міністэрства – яна ўжо камандуе, яна ўжо намесьніца міністра… Навошта такую камэдыю рабіць з чалавека? Двойчы Герой, калгас ардэнаносны… Калі вы начальства, то навошта так абражаць чалавека?! Гэта ж ганьба! Гэта ж яму вельмі цяжка перажыць”.
Нагадаю, тыдзень таму вяскоўцы сабраліся ў мясцовым Палацы культуры, дзе Ўладзімер Бядуля зьбіраўся рабіць справаздачу – ня толькі расказаць пра дасягненьні гаспадаркі, а й агучыць пляны на будучыню. Але начальства настойліва прапанавала абвясьціць сход справаздачна-выбарчым. Для двойчы Героя ды жыхароў Расна такая ініцыятыва была настолькі нечаканай, што вырашылі паўторна сабрацца наступным днём. Бядуля ноч думаў і ня стаў удзельнічаць у выбарах, а напісаў заяву пра адстаўку. Хто быў яе сапраўдным ініцыятарам, былы старшыня назваць адмовіўся:
(Бядуля: ) “Ня трэба. Я вас прашу. Не рабіце мне “мядзьведжай паслугі”.
(Карэспандэнт: ) “Чаму так лічыце?”
(Бядуля : ) “Гэта іншае пытаньне. Праз два-тры тыдні стэлефануемся”.
Уладзімер Бядуля да адстаўкі быў самай ганараванай асобай у асяродзьдзі кіраўнікоў сельгаспрадпрыемстваў. З прыходам да ўлады Аляксандра Лукашэнкі Бядуля пачаў ухваляць яго палітыку, у тым ліку аграрную. У сваю чаргу, прэзыдэнт не аднойчы выкарыстоўваў знакамітага старшыню для падтрымкі свайго курсу. І вось – нечаканая разьвязка, хоць яшчэ на нядаўнім так званым Усебеларускім сходзе старшыня і прэзыдэнт былі разам у прэзыдыюме. Яшчэ адзін знакаміты экс-старшыня – двойчы Герой Сацыялістычнай працы Васіль Старавойтаў лічыць, што такі фінал кар’еры спадара Бядулі немагчымы бяз санкцыі кіраўніка краіны. Нагадаю, у адрозьненьне ад Уладзімера Бядулі, пры канцы 1990-х гадоў Лукашэнка падтрымаў ціск праваахоўных органаў на некалі славутага кіраўніка калгасу “Расьсвет” Кіраўскага раёну, якое ўрэшце закончылася турэмным пакараньнем старога ўжо чалавека. Васіль Старавойтаў нагадаў, што ў тыя складаныя для яго часы ён так і не дачакаўся падтрымкі ад калегаў-старшыняў, у тым ліку й ад Уладзімера Бядулі:
(Старавойтаў: ) “Ды не! Гэты чалавек ня можа гэтага рабіць. Я не магу сказаць, што ў Бядулі ёсьць нешта добрае, чалавечае ў дачыненьні да мяне. Ён са мной ніколі не размаўляў пасьля таго, як гэта здарылася са мною. І я сувязі зь ім ня маю. Ён – вялікі каньюнктуршчык”.