Лінкі ўнівэрсальнага доступу

Ірыне Казулінай паведамілі, што яе муж ня ў Жодзінскім ізалятары


Радыё Свабода, Менск Жонка Аляксандра Казуліна раніцай 27 сакавіка зьбіралася выехаць у Жодзіна, каб перадаць свайму мужу харчы й рэчы. Напярэдадні яна зьвярнулася ў гарадзкую пракуратуру з просьбай паведаміць ёй дакладнае месцазнаходжаньня яе мужа Аляксандра Казуліна.

У гарадзкой пракуратуры ёй заявілі, што Аляксандар Казулін нібыта ня ў Жодзінскім сьледчым ізалятары, што ён затрыманы паводле справы аб хуліганстве 2 сакавіка, і таму мусіць знаходзіцца ў менскім сьледчым ізалятары на вуліцы Валадарскага ў Менску.

Пакуль праверыць гэтыя зьвесткі не ўдаецца. Тэлефон прэсавай службы гарадзкой пракуратуры маўчыць, а ў спэцаддзеле ізалятару на Валадарскага, куды скіроўвае дзяжурны ізалятару, адказваюць, што даведак не даюць.
XS
SM
MD
LG