Лінкі ўнівэрсальнага доступу

Аўтамабіль польскага консула ўсё яшчэ заблякаваны на мяжы


Аляксей Дзікавіцкі, Варшава Намесьнік консула Польшчы ў Горадні Януш Дамброўскі застаецца на беларускім баку мяжы на памежным пераходзе ў Кузьніцы.

У нядзелю ўвечары (каля 21 гадзіны паводле Менскага часу) беларускія памежнікі заявілі віцэ-консулу, што хочуць абшукаць ягоныя ўласныя рэчы і аўтамабіль. Спадар Дамброўскі, спаслаўшыся на Венскую канвэнцыю, якую падпісала таксама Беларусь і якая дае права дыпляматам перасякаць мяжу без кантролю, адмовіўся.

Тады аўтамабіль Януша Дамброўскага заблякавалі на беларускім баку мяжы, не дазволіўшы ані паехаць у Беларусь, ані вярнуцца ў Польшчу.

Генэральны консул Польшчы ў Горадні Анджэй Крэнтоўскі, які прыехаў у нядзелю ўвечары на мяжу, таксама як і ягоны намесьнік, правёў ноч ў аўтамабілі.
XS
SM
MD
LG