Адразу 16 адміністрацыйных справаў на ўдзельнікаў намётавага лягеру пачалі разглядаць ў Партызанскім судзе Менску. Справы разглядаюць судзьдзі Аўдзейчык, Барысёнак, Трубнікаў, Пыкіна і Лебедзь. Калідор суду запоўнены амапаўцамі ў чорных камбінэзонах — менавіта яны ноччу зьнішчылі лягер прыхільнікаў пераменаў на Кастрычніцкай плошчы. Затрыманых заводзяць па адным у кабінэты судзьдзяў, дзе і адбываюцца слуханьні. Калі прыцягнутыя да адказнасьці не патрабуюць адваката, слуханьні займаюць 20 хвілінаў. Калі з адвакатам — паўгадзіны. У такіх выпадках нэрвуюцца амапаўцы — яны скардзяцца, што стаміліся зь нядосыпу.
Мянчук Аляксандар Аляб’еў таксама выглядае нявыспаным, ягонае чорнае паліто пакамечана. Ён кажа, што пры затрыманьні яго ня білі, але моцна лаяліся і не далі патэлефанаваць бацькам. Аляксандар Аляб’еў далучыўся да мітынгоўцаў толькі ўчора, калі ўпершыню прыйшоў на плошчу разам зь сябрам. Аляб’еў згадвае захоп лягеру:
(Аляб’еў: ) “Спэцназ запатрабаваў разысьціся, але людзі адрэагавалі тым, што селі. Ніякіх крыкаў, якія суправаджаюць паніку, я ня чуў. Усе аказаліся з моцнымі нэрвамі”.
Аляксандра Аляб’ева асудзілі на 10 дзён арышту. Збольшага такі ж тэрмін атрымлівалі і астатнія затрыманыя. Толькі Алесь Мазур (пра якога казалі, што ён загадваў гаспадаркай лягеру), па зьвестках, атрымаў 7 сутак. Аднак амапаўцы ў калідоры суду казалі, што адміністрацыйная справа Мазура хутка пераўтворыцца ў больш сур’ёзную. Паводле міліцыянтаў, у гэтага хлопца знайшлі 700 даляраў і сьпісы людзей, якім ён мусіць аддаць грошы. Паводле міліцыянтаў у гэтым сьпісе былі ўдзельнікі лягеру. “Ім паабяцалі грошы пасьля 25-га”, — казалі амапаўцы.
“Я пра гэта нічога ня чуў, і мне ніхто грошай не прапаноўваў”, — запэўніў мяне Аляксандар Аляб’еў за хвіліну да таго, як яго вывелі з суду.
Багдана Арлова таксама судзіў судзьдзя Аўдзейчык, але ў вялікай залі, бо на суд прыйшло шмат сяброў юнака. Арлоў казаў, што за ўсе папярэднія дні ня чуў ад міліцыянтаў аб’яваў пра тое, што мітынг быў несанкцыянаваны. Міліцыянты Камякоў і Сінічанка сьцьвярджалі, што такія папярэджаньні былі неаднаразова. У перапынку хлопец распавёў, як да іх ставіліся ў ізалятары:
(Арлоў: ) “Збольшага нармальна, але некаторых білі. Калі нас прывезьлі на Акрэсьціна, то паставілі да сьцяны, і тых, хто найбольш запомніўся, білі”.
Багдану Арлову далі 10 сутак. Увечары ў Партызанскім судзе пачалі слухаць і справу пляменьніка Аляксандра Казуліна — таксама Аляксандра Казуліна. Хлопец запатрабаваў асабістага адваката, і справу на нейкі час адклалі.
Сваякі ўжо асуджаных паспрабавалі перадаць перадачы, але іх на Акрэсьціна не прынялі. Наступныя два дні перадачаў таксама ня прымуць, бо гэта выходныя.
Мянчук Аляксандар Аляб’еў таксама выглядае нявыспаным, ягонае чорнае паліто пакамечана. Ён кажа, што пры затрыманьні яго ня білі, але моцна лаяліся і не далі патэлефанаваць бацькам. Аляксандар Аляб’еў далучыўся да мітынгоўцаў толькі ўчора, калі ўпершыню прыйшоў на плошчу разам зь сябрам. Аляб’еў згадвае захоп лягеру:
(Аляб’еў: ) “Спэцназ запатрабаваў разысьціся, але людзі адрэагавалі тым, што селі. Ніякіх крыкаў, якія суправаджаюць паніку, я ня чуў. Усе аказаліся з моцнымі нэрвамі”.
Аляксандра Аляб’ева асудзілі на 10 дзён арышту. Збольшага такі ж тэрмін атрымлівалі і астатнія затрыманыя. Толькі Алесь Мазур (пра якога казалі, што ён загадваў гаспадаркай лягеру), па зьвестках, атрымаў 7 сутак. Аднак амапаўцы ў калідоры суду казалі, што адміністрацыйная справа Мазура хутка пераўтворыцца ў больш сур’ёзную. Паводле міліцыянтаў, у гэтага хлопца знайшлі 700 даляраў і сьпісы людзей, якім ён мусіць аддаць грошы. Паводле міліцыянтаў у гэтым сьпісе былі ўдзельнікі лягеру. “Ім паабяцалі грошы пасьля 25-га”, — казалі амапаўцы.
“Я пра гэта нічога ня чуў, і мне ніхто грошай не прапаноўваў”, — запэўніў мяне Аляксандар Аляб’еў за хвіліну да таго, як яго вывелі з суду.
Багдана Арлова таксама судзіў судзьдзя Аўдзейчык, але ў вялікай залі, бо на суд прыйшло шмат сяброў юнака. Арлоў казаў, што за ўсе папярэднія дні ня чуў ад міліцыянтаў аб’яваў пра тое, што мітынг быў несанкцыянаваны. Міліцыянты Камякоў і Сінічанка сьцьвярджалі, што такія папярэджаньні былі неаднаразова. У перапынку хлопец распавёў, як да іх ставіліся ў ізалятары:
(Арлоў: ) “Збольшага нармальна, але некаторых білі. Калі нас прывезьлі на Акрэсьціна, то паставілі да сьцяны, і тых, хто найбольш запомніўся, білі”.
Багдану Арлову далі 10 сутак. Увечары ў Партызанскім судзе пачалі слухаць і справу пляменьніка Аляксандра Казуліна — таксама Аляксандра Казуліна. Хлопец запатрабаваў асабістага адваката, і справу на нейкі час адклалі.
Сваякі ўжо асуджаных паспрабавалі перадаць перадачы, але іх на Акрэсьціна не прынялі. Наступныя два дні перадачаў таксама ня прымуць, бо гэта выходныя.
