Лінкі ўнівэрсальнага доступу

Вядомыя імёны некаторых затрыманых


Радыё Свабода Сярод затрыманых ўдзельнікаў акцыі большасьць складаюць студэнты. Вядомыя прозьвішчы некаторых затрыманых– гэта сустаршыня незарэгістраванай арганізацыі “Малады фронт” Зьміцер Дашкевіч, Андрусь Юркоў з Дрыбіна, Валадар Цурпанаў з Магілёва, Яўген Казлоў з Менску, Віктар Арцем’еў з Сенніцы Менскага раёну, Алег Д’ячкоў з Магілёва, Мікалай Ільін, які атрымаў чэрапна-мазгавую траўму, калі намагаўся пранесьці ў лягер біятуалет. Затрыманыя пляменьнікі Аляксандра Казуліна Аляксей і Аляксандр, сын Уладзіміра Арлова Багдан, былы амбасадар Польшчы Марыюш Машкевіч, Валянціна Палевікова, журналістка газэты "Наша Ніва" Т.Сьнітко.

Журналіст Вадзім Казначэеў прад’яўляў байцам спэцназу сваё пасьведчаньне, але яны яго запіхнулі ў аўтазак. Вадзім патэлефанаваў па мабільным тэлефоне і сказаў, што знаходзіцца ў адной машыне з Валянцінай Палевіковай.

Сярод затрыманых шмат непаўнагадовых школьнікаў. Іх будуць трымаць у спэцпрыёмніку для непаўнагадовых. Іх могуць забраць бацькі цягам некалькіх гадзінаў.

Астатніх затрыманых заўтра канвой даставіць у розныя раённыя суды Менску.

* * * 7:15. Пачалі зьяўляцца маці затрыманых зь перадачамі. Яны сказалі, што ім дазволяць прынесьці перадачы. Іх прыйшло прыблізна чалавек дзесяць.

Аляксандар Казулін заклікаў усіх бацькоў падтрымаць затрыманых маральна. Ён сказаў, што калі тут будзе шмат людзей, то і да затрыманых будуць ставіцца лепш.

У двор спэцпрыёмніку ўвайшла яшчэ адна група прадстаўнікоў спэцназу – яны відавочна будуць дапамагаць складаць пратаколы на затрыманых.

7:00. Некалькі разоў да будынку спэцпрыёмніка-разьмеркавальніка Акрэсьціна прыяжджала машына хуткае дапамогі. Пад''ехалі аўтобусы, на якіх затрыманых павязуць у суды.

Непаўнагадовых адвялі ў спэцыяльнае памяшканьне, побач з асноўным – іх каля 20 чалавек. Каля будынку знаходзяцца 2 польскія консулы, якіх не пускаюць да трох грамадзянаў Польшчы, якія былі затрыманыя на плошчы. Консул заявіў, што гэта ёсьць парушэньне Жэнэўскай канвэнцыі.
XS
SM
MD
LG