“Эўразьвяз мусіць сыгналізаваць пра ўвядзеньне санкцыяў супраць афіцыйнага Менску і патрабаваць ад беларускіх уладаў спыненьня рэпрэсіяў”, – заявіў сёньня журналістам сацыял-дэмакрат Курт Бодэвіг, які наведаў Менск у якасьці назіральніка ад АБСЭ.
Паводле Бодэвіга, Эўразьвяз мусіць выпрацаваць цэлы комплекс захадаў у дачыненьні да адказных беларускіх дзеячаў.
Пра давер эўрапейцаў да апазыцыйнага беларускага палітыка Аляксандра Мілінкевіча заявіў у інтэрвію нямецкай "Der Spiegel" кіраўнік замежнапалітычнага камітэта Бундэстагу Манфрэд Грунд, які таксама быў назіральнікам АБСЭ на прэзыдэнцкіх выбарах.
Паводле словаў Грунда, “Мілінкевіч ня ёсьць аратарам і рэвалюцыянэрам. Гэта ўдумлівы і стрыманы палітык. Ён паводзіць сябе дастаткова адказна і зможа атрымаць давер і сярод беларускіх сялян. Калі Мілінкевіч ня будзе выключаны з палітыкі, ён атрымае шанцы працаваць далей, гарантуючы згуртаванасьць беларускай апазыцыі”.
З другога боку, 20 сакавіка міністар замежных справаў Нямеччыны Франк-Вальтэр Штайнмайер заявіў, што пасьпешная і непрадуманая рэакцыя можа ня даць у будучым Эўразьвязу выбару, і адкінуў прапановы Польшчы, Літвы, Славаччыны і Чэхіі, каб рэзка і рашуча адрэагаваць на падзеі ў Беларусі.
Гл.таксама Эўразьвяз: агульнай пазыцыі па Беларусі пакуль няма? Шродэр як спэцыяльны пасярэднік ЭЗ для Беларусі?
Паводле Бодэвіга, Эўразьвяз мусіць выпрацаваць цэлы комплекс захадаў у дачыненьні да адказных беларускіх дзеячаў.
Пра давер эўрапейцаў да апазыцыйнага беларускага палітыка Аляксандра Мілінкевіча заявіў у інтэрвію нямецкай "Der Spiegel" кіраўнік замежнапалітычнага камітэта Бундэстагу Манфрэд Грунд, які таксама быў назіральнікам АБСЭ на прэзыдэнцкіх выбарах.
Паводле словаў Грунда, “Мілінкевіч ня ёсьць аратарам і рэвалюцыянэрам. Гэта ўдумлівы і стрыманы палітык. Ён паводзіць сябе дастаткова адказна і зможа атрымаць давер і сярод беларускіх сялян. Калі Мілінкевіч ня будзе выключаны з палітыкі, ён атрымае шанцы працаваць далей, гарантуючы згуртаванасьць беларускай апазыцыі”.
З другога боку, 20 сакавіка міністар замежных справаў Нямеччыны Франк-Вальтэр Штайнмайер заявіў, што пасьпешная і непрадуманая рэакцыя можа ня даць у будучым Эўразьвязу выбару, і адкінуў прапановы Польшчы, Літвы, Славаччыны і Чэхіі, каб рэзка і рашуча адрэагаваць на падзеі ў Беларусі.
Гл.таксама Эўразьвяз: агульнай пазыцыі па Беларусі пакуль няма? Шродэр як спэцыяльны пасярэднік ЭЗ для Беларусі?