Тым часам сябра Бундэстагу сацыял-дэмакрат Маркус Мэкель, які прысутнічаў на беларускіх выбарах у якасьці назіральніка АБСЭ, лічыць, што ціск на беларускі рэжым магчымы праз паступовае і мэтадычнае пашырэньне сьпісу асобаў, якім забаронены ўезд у ЭЗ. Як лічыць Маркус Мэкель, размова ідзе ня толькі пра палітыкаў, але і пра прадстаўнікоў беларускай юстыцыі: “Кожны судзьдзя, які выносіць турэмнае пакараньне прадстаўнікам апазыцыі, павінен ведаць, што і ў дачыненьні да яго знойдзецца пакараньне”, – перадае DPA.
Дэпутатат Бундэстагу ад ХДС/ХСС Гюнтэр Нооке настойвае на тым, каб фэдэральны ўрад паўплываў на расейскага лідэра Пуціна ў пытаньні далейшых дачыненьняў Масквы зь Менскам. Як заявіў нямецкі палітык у размове з “Sueddeutsche Zeitung”, “маскоўскі лідэр павінен дыстанцыявацца ад дзеяньняў Лукашэнкі і настойваць на зьмене курсу краіны ў бок дэмакратыі”. Нооке ацэньвае беларускае палітычнае разьвіцьцё як беспрэцэдэнтнае парушэньне дэмакратычных стандартаў. Яшчэ раней палітыкі ХДС/ХСС патрабавалі ўвядзеньня санкцыяў супраць беларускага кіраўніцтва.
Дэпутатат Бундэстагу ад ХДС/ХСС Гюнтэр Нооке настойвае на тым, каб фэдэральны ўрад паўплываў на расейскага лідэра Пуціна ў пытаньні далейшых дачыненьняў Масквы зь Менскам. Як заявіў нямецкі палітык у размове з “Sueddeutsche Zeitung”, “маскоўскі лідэр павінен дыстанцыявацца ад дзеяньняў Лукашэнкі і настойваць на зьмене курсу краіны ў бок дэмакратыі”. Нооке ацэньвае беларускае палітычнае разьвіцьцё як беспрэцэдэнтнае парушэньне дэмакратычных стандартаў. Яшчэ раней палітыкі ХДС/ХСС патрабавалі ўвядзеньня санкцыяў супраць беларускага кіраўніцтва.
