Лінкі ўнівэрсальнага доступу

logo-print

Андрэй Клімаў выйшоў з рэчыцкага ізалятару


Радыё Свабода У Рэчыцы сёньня выйшаў з ізалятару часовага ўтрыманьня вядомы палітык Андрэй Клімаў, які адбываў тут 7-дзённы арышт. Пра гэта Радыё Свабода паведаміў рэчыцкі актывіст дэмакратычнага руху Алег Шабетнік.

Паводле спадара Шабетніка, Клімаў меркаваў правесьці сёньняшні вечар у Рэчыцы, аднак за ім прыехалі супрацоўнікі папраўчай установы №22, якія адразу ж павезьлі яго ў вёску Баршчоўка, дзе знаходзіцца “хімія”.

Андрэй Клімаў быў пакараны 14 сакавіка адміністрацыйным арыштам на 7 сутак за тое, што ён нібыта груба паводзіў сябе з прадстаўнікамі адміністрацыі папраўчай установы.

Нагадаем таксама, што Андрэю Клімаву 10 чэрвеня 2005 году быў вынесены прысуд 1,5 гады абмежаваньня свабоды (“хіміі”) за арганізацыю 25 сакавіка 2005 году масавай акцыі пратэсту.
XS
SM
MD
LG