У часе мітынгу на Кастрычніцкай плошчы Аляксандр Мілінкевіч паведаміў Радыё Свабода:
(Мілінкевіч: ) “Гэта вялікая перамога ўсіх. Кожны змагаўся са сваім страхам сам. Перамаглі страх. Людзі адчуваюць асалоду ад таго, што стаяць плячо да пляча. Гэты народ ужо не зламаеш і ў рабства не загоніш. Лічу, што гэта выдатна”.
На плошчы прысутнічалі грамадзяне Польшчы, Літвы, Украіны, Нямеччыны ды іншых краінаў. Сябра камісіі ў міжнародных стасунках польскага Сойму Павал Залескі прысутнічаў на мітынгу:
(Залескі: ) “Бачна, што тут нараджаецца вольная дэмакратычная Беларусь. Гэта важная падзея. Скончыліся афіцыйныя выбары, але важна тое, што адбываецца на гэтай плошчы. Тут нараджаецца беларуская дэмакратыя. Мне казалі, што такой вялікай колькасьць людзей тут яшчэ не было. Усе палякі падтрымліваюць беларусаў, дэмакратыю ў Беларусі. Для нас гэта важна”.
Павал Залескі адзначыў, што грамадзяне Польшчы вельмі ўважліва сочаць за падзеямі ў Беларусі і непакояцца за бясьпеку беларускіх грамадзянаў у зьвязку з апошнімі заявамі шэфа КДБ і масавымі арыштамі.
Аляксандр Мілінкевіч і Аляксандр Казулін заклікалі людзей прыйсьці 20 сакавіка а 18.30 на Кастрычніцкую плошчу, каб прадэманстраваць уладам, што гэтым разам не саступяць фальсыфікацыям.
(Мілінкевіч: ) “Гэта вялікая перамога ўсіх. Кожны змагаўся са сваім страхам сам. Перамаглі страх. Людзі адчуваюць асалоду ад таго, што стаяць плячо да пляча. Гэты народ ужо не зламаеш і ў рабства не загоніш. Лічу, што гэта выдатна”.
На плошчы прысутнічалі грамадзяне Польшчы, Літвы, Украіны, Нямеччыны ды іншых краінаў. Сябра камісіі ў міжнародных стасунках польскага Сойму Павал Залескі прысутнічаў на мітынгу:
(Залескі: ) “Бачна, што тут нараджаецца вольная дэмакратычная Беларусь. Гэта важная падзея. Скончыліся афіцыйныя выбары, але важна тое, што адбываецца на гэтай плошчы. Тут нараджаецца беларуская дэмакратыя. Мне казалі, што такой вялікай колькасьць людзей тут яшчэ не было. Усе палякі падтрымліваюць беларусаў, дэмакратыю ў Беларусі. Для нас гэта важна”.
Павал Залескі адзначыў, што грамадзяне Польшчы вельмі ўважліва сочаць за падзеямі ў Беларусі і непакояцца за бясьпеку беларускіх грамадзянаў у зьвязку з апошнімі заявамі шэфа КДБ і масавымі арыштамі.
Аляксандр Мілінкевіч і Аляксандр Казулін заклікалі людзей прыйсьці 20 сакавіка а 18.30 на Кастрычніцкую плошчу, каб прадэманстраваць уладам, што гэтым разам не саступяць фальсыфікацыям.