За апошнія два дзесяцігодзьдзі палітычныя зьмены адбыліся па ўсёй Эўропе. Скончылася халодная вайна, былыя савецкія сатэліты цяпер уваходзяць у НАТО, каляровыя рэвалюцыі ў Грузіі, Украіне і Кыргызстане паказалі, што дэмакратыя можа прыпазьняцца, але раней ці пазьней прыходзіць. Дэмакратыя ўсталявалася ў большасьці краінаў, але не ў Беларусі.
Ад абраньня прэзыдэнтам Аляксандра Лукашэнкі, якога цяпер называюць апошнім дыктатарам Эўропы, грамадзянскія й палітычныя правы ў краіне ўсё больш абясцэньваюцца. Выбары, якія пройдуць 19 сакавіка, зусім не падобныя на тое, што мы бачылі ў іншых краінах Усходняй Эўропы. Каманды апазыцыйных кандыдатаў адчулі рэпрэсіі, іх запалохваюць, зьбіваюць, не даюць доступу да дзяржаўных СМІ, якія толькі ганьбяць апазыцыю.
Выглядае, што галоўная мэта Лукашэнкі — вярнуць Беларусь да формаў кіраваньня савецкага часу коштам правоў і дабрабыту беларусаў. Эканоміка Беларусі трымаецца дзякуючы танным расейскім энэрганосьбітам.
Калі Лукашэнка будзе “абраны” (аўтар артыкулу бярэ гэтае слова ў двукосьсе), мы станем сьведкамі ня толькі застою дэмакратыі, але развароту ад дэмакратыі. Калі мы здолелі ўбачыць пераход да дэмакратыі ў столькіх былых камуністычных краінах, мы ня можам забывацца пра людзей, што жывуць у недэмакратычных дзяржавах.
Усе з нас, хто цэніць права на свабодныя й справядлівыя выбары, павінны вітаць кандыдатаў, якія адважна змагаюцца ва ўмовах несвабоды, і асудзіць рэжым, які ўжыў сродкі дэмакратыі, каб пераўтварыцца ў дэспатыю. Прыйшоў час прапанаваць падтрымку народу Беларусі і заняць жорсткую лінію супраць улады, якая страціла сваю легітымнасьць. Прыйшоў час эўрапейскім урадам сказаць гэта, піша ў газэце “Times” ценявы міністар замежных справаў Вялікай Брытаніі Ўільям Хэйг.
Ад абраньня прэзыдэнтам Аляксандра Лукашэнкі, якога цяпер называюць апошнім дыктатарам Эўропы, грамадзянскія й палітычныя правы ў краіне ўсё больш абясцэньваюцца. Выбары, якія пройдуць 19 сакавіка, зусім не падобныя на тое, што мы бачылі ў іншых краінах Усходняй Эўропы. Каманды апазыцыйных кандыдатаў адчулі рэпрэсіі, іх запалохваюць, зьбіваюць, не даюць доступу да дзяржаўных СМІ, якія толькі ганьбяць апазыцыю.
Выглядае, што галоўная мэта Лукашэнкі — вярнуць Беларусь да формаў кіраваньня савецкага часу коштам правоў і дабрабыту беларусаў. Эканоміка Беларусі трымаецца дзякуючы танным расейскім энэрганосьбітам.
Калі Лукашэнка будзе “абраны” (аўтар артыкулу бярэ гэтае слова ў двукосьсе), мы станем сьведкамі ня толькі застою дэмакратыі, але развароту ад дэмакратыі. Калі мы здолелі ўбачыць пераход да дэмакратыі ў столькіх былых камуністычных краінах, мы ня можам забывацца пра людзей, што жывуць у недэмакратычных дзяржавах.
Усе з нас, хто цэніць права на свабодныя й справядлівыя выбары, павінны вітаць кандыдатаў, якія адважна змагаюцца ва ўмовах несвабоды, і асудзіць рэжым, які ўжыў сродкі дэмакратыі, каб пераўтварыцца ў дэспатыю. Прыйшоў час прапанаваць падтрымку народу Беларусі і заняць жорсткую лінію супраць улады, якая страціла сваю легітымнасьць. Прыйшоў час эўрапейскім урадам сказаць гэта, піша ў газэце “Times” ценявы міністар замежных справаў Вялікай Брытаніі Ўільям Хэйг.
