Лінкі ўнівэрсальнага доступу

МЗС Грузіі камэнтуе словы Аляксандра Лукашэнкі


Радыё Свабода Міністэрства замежных справаў Грузіі выказала свой пратэст у сувязі з намерам афіцыйнага Менску перашкодзіць грузінскім грамадзянам прыехаць у Беларусь у якасьці назіральнікаў за выбарамі. Такі намер, заяўляе Тбілісі, супярэчыць дэмакратычным прынцыпам ААН і АБСЭ.

Камэнтуючы ўчорашнія словы Аляксандра Лукашэнкі пра грузінскіх, а таксама ўкраінскіх і расейскіх “адмарозкаў”, якія хочуць экспартаваць рэвалюцыю ў Беларусь і “арганізаваць непарадкі”, замежнапалітычнае ведамства Грузіі выказвае меркаваньне, што такія заявы нагадваюць падручнікі сацыялістычнага часу, паводле якіх пара дзясяткаў людзей здатная захапіць усю чыгуначную сетку краіны ды заняць усе чыгуначныя вакзалы.
XS
SM
MD
LG