Словы знакамітага актора Джэка Нікалсана, які абвяшчаў рашэньне акадэмікаў у намінацыі “лепшы фільм”, сталі найвялікшай нечаканасьцю цырымоніі.
(Нікалсан: ) “І Оскар атрымлівае… “Сутыкненьне”.
Фільм “Сутыкненьне” адлюстроўвае расавыя і клясавыя канфлікты ў сучасным Лос-Анжэлесе. Стваральнікі карціны, прымаючы ўзнагароду, выказалі павагу да іншых намінантаў, і заявілі, што мінулы кінагод у ЗША быў адным з самых непаўторных.
Энг Лі – пастаноўшчык “Гарбатай гары” – атрымаў “Оскара” за лепшую рэжысуру. Фільм далікатна расказвае гісторыю трагічнага каханьня двух жанатых мужчын-каўбояў, якія вымушаныя хаваць ад знаёмых і блізкіх сваё пачуцьцё. “Гарбатая гара”, якая была намінаваная на восем “Оскараў”, атрымала яшчэ дзьве статуэткі – за лепшы адаптаваны сцэнар і за лепшую музыку. Гэты фільм лічыўся фаварытам ужо таму, што раней сёлета атрымаў шэраг прэстыжных узнагародаў, улучна з чатырма “Залатымі глёбусамі”.
Акторка Хілары Свэнк абвясьціла пераможцу ў намінацыі “лепшы актор”.
(Свэнк: ) “Оскар атрымлівае Філіп Сэймур Хофман за ролю ў фільме “Капотэ”.
У аснове фільма сапраўдная гісторыя пра рост папулярнасьці пісьменьніка Трумэна Капотэ пасьля таго, як ён напісаў выдатную кнігу пра іншую рэальную гісторыю забойства сям’і ў Канзасе ў 1950-х гадах і суд над двума забойцамі. Крытыкі адзначаюць моцнае пераўвасабленьне актора Хофмана ў пісьменьніка Капотэ і асабліва перадачу галасавых характарыстык пэрсанажа.
Яшчэ адным “Оскарам” адзначаная Рыз Уізэрспун за лепшую жаночую ролю ў фільме “Шпацыр па лініі”. Гэта кінабіяграфія выканаўцы песень у стылі “кантры” Джоні Кэш.
Джордж Клуні атрымаў “Оскара” за лепшую мужчынскую ролю другога пляну ў фільме “Сырыяна” – палітычным трылеры пра праблемы глябальнай нафтавай індустрыі. У сваёй прамове Клуні зьвярнуўся непасрэдна да кансэрватыўных крытыкаў, якія цьвердзяць, што ў Галівудзе занадта шмат лібэралаў і што яны вельмі далёкія ад традыцыйных амэрыканскіх каштоўнасьцяў.
(Клуні: ) “Я ганаруся, што я частка гэтай Акадэміі. Я ганаруся, што я частка гэтай супольнасьці і ганаруся “быць далёкім”. І я дзякую вам за гэта”.
Лепшым замежным фільмам стала паўднёва-амэрыканская стужка “Тсотсі”. У яе аснове – раман Атоля Фагарда пра маладога злачынцу, жыцьцё якога мяняецца пасьля таго, як ён знайшоў дзіця на заднім сядзеньні аўтамабіля, які ён скраў.
(Нікалсан: ) “І Оскар атрымлівае… “Сутыкненьне”.
Фільм “Сутыкненьне” адлюстроўвае расавыя і клясавыя канфлікты ў сучасным Лос-Анжэлесе. Стваральнікі карціны, прымаючы ўзнагароду, выказалі павагу да іншых намінантаў, і заявілі, што мінулы кінагод у ЗША быў адным з самых непаўторных.
Энг Лі – пастаноўшчык “Гарбатай гары” – атрымаў “Оскара” за лепшую рэжысуру. Фільм далікатна расказвае гісторыю трагічнага каханьня двух жанатых мужчын-каўбояў, якія вымушаныя хаваць ад знаёмых і блізкіх сваё пачуцьцё. “Гарбатая гара”, якая была намінаваная на восем “Оскараў”, атрымала яшчэ дзьве статуэткі – за лепшы адаптаваны сцэнар і за лепшую музыку. Гэты фільм лічыўся фаварытам ужо таму, што раней сёлета атрымаў шэраг прэстыжных узнагародаў, улучна з чатырма “Залатымі глёбусамі”.
Акторка Хілары Свэнк абвясьціла пераможцу ў намінацыі “лепшы актор”.
(Свэнк: ) “Оскар атрымлівае Філіп Сэймур Хофман за ролю ў фільме “Капотэ”.
У аснове фільма сапраўдная гісторыя пра рост папулярнасьці пісьменьніка Трумэна Капотэ пасьля таго, як ён напісаў выдатную кнігу пра іншую рэальную гісторыю забойства сям’і ў Канзасе ў 1950-х гадах і суд над двума забойцамі. Крытыкі адзначаюць моцнае пераўвасабленьне актора Хофмана ў пісьменьніка Капотэ і асабліва перадачу галасавых характарыстык пэрсанажа.
Яшчэ адным “Оскарам” адзначаная Рыз Уізэрспун за лепшую жаночую ролю ў фільме “Шпацыр па лініі”. Гэта кінабіяграфія выканаўцы песень у стылі “кантры” Джоні Кэш.
Джордж Клуні атрымаў “Оскара” за лепшую мужчынскую ролю другога пляну ў фільме “Сырыяна” – палітычным трылеры пра праблемы глябальнай нафтавай індустрыі. У сваёй прамове Клуні зьвярнуўся непасрэдна да кансэрватыўных крытыкаў, якія цьвердзяць, што ў Галівудзе занадта шмат лібэралаў і што яны вельмі далёкія ад традыцыйных амэрыканскіх каштоўнасьцяў.
(Клуні: ) “Я ганаруся, што я частка гэтай Акадэміі. Я ганаруся, што я частка гэтай супольнасьці і ганаруся “быць далёкім”. І я дзякую вам за гэта”.
Лепшым замежным фільмам стала паўднёва-амэрыканская стужка “Тсотсі”. У яе аснове – раман Атоля Фагарда пра маладога злачынцу, жыцьцё якога мяняецца пасьля таго, як ён знайшоў дзіця на заднім сядзеньні аўтамабіля, які ён скраў.
