“Такія заявы МЗС Польшчы ацэньвае як спробы адцягваньня ўвагі беларускага грамадзтва ад унутраных праблемаў, асабліва ад становішча, у якім апынуліся апазыцыйныя кандыдаты на пасаду прэзыдэнта... У сваёй палітыцы ў дачыненьні да Беларусі Польшча кіруецца правіламі, акрэсьленымі ў дакумэнтах ААН і АБСЭ, а таксама двухбаковымі пагадненьнямі. Міністэрства спадзяецца, што падобнымі правіламі будуць карыстацца таксама і беларускія ўлады”, – гаворыцца ў заяве МЗС Польшчы.
Аляксей Дзікавіцкі, Варшава У сувязі з учорашнімі выказваньнямі Аляксандра Лукашэнкі ў часе усебеларускага сходу Міністэрства замежных справаў Польшчы распаўсюдзіла ў пятніцу ўвечары заяву, у якой выказала “глыбокую занепакоенасьць выказваньнямі вышэйшых беларускіх уладаў, у якіх Польшчу абвінавачваюць ва ўмяшальніцтве ва ўнутраныя справы гэтай краіны”.
Самае папулярнае
1