Ён засьведчыў фізычныя пашкоджаньні, нанесеныя яму камандзірам спэцназу Міністэрства ўнутраных справаў Дзьмітрыем Паўлічэнкам і ягонымі падначаленымі.
Аляксандар Казулін таксама абараняе актывіста свайго перадвыбарчага штабу Юрыя Радзівіла, машына якога была ўчора абстраляная чалавекам у цывільным. Цяпер спадара Радзівіла абвінавачваюць у непадпарадкаваньні супрацоўніку міліцыі.
Сёньня Аляксандар Казулін прайшоў мэдычную экспэртызу, дзе зафіксаваў пабоі, нанесеныя яму ўчора ў Палацы культуры чыгуначнікаў палкоўнікам Паўлічэнкам і ягонымі падначаленымі. Кандыдат на прэзыдэнта ад сацыял-дэмакратаў патрабуе прыцягнуць гэтых людзей да крымінальнай адказнасьці.
(Казулін: ) “Мы ўжо падалі заяву на імя генэральнага пракурора. Дзе гэта бачна каб сярод дня нападалі з боку ды з заду. Ды там было каля паўсотні “адмарозкаў”. Яны ўжылі супраць мірных людзей тое, што мусілі б ужываць супраць злачынцаў”.
Аляксандар Казулін разам з назіральнікамі ад АБСЭ наведаў сёньня пракурора Маскоўскага раёну, дзе даў свае паказаньні ў справе ўчорашняга абстрэлу машыны актывіста перадвыбарчага штабу Юрыя Радзівіла.
Падначалены палкоўніка Паўлічэнкі абстраляў машыну спадара Радзівіла каля пастарунку міліцыі, дзе знаходзіўся Аляксандар Казулін. У гэты час там адбывалася затрыманьне паплечнікаў кандыдата. На Юрыя Радзівіла заведзеная крымінальная справа па артыкуле “Непадпарадкаваньне супрацоўнікам міліцыі”, і цяпер ён затрыманы.
(Казулін: ) “Мы далі пракурору факты і фатаздымкі, дзе ўсё гэта бачна. Там бачна, хто быў ініцыятарам і ўжыў зброю. Ужываньне зброі ў мірны час ёсьць злачынствам. А за злачынства трэба караць па ўсёй строгасьці закону. Але тут міліцыянты спрабуюць выкруціцца з гэтай, для іх вельмі непрыемнай, сытуацыі”.
Аляксандар Казулін сказаў, што будзе ўсімі сіламі бараніць Юрыя Радзівіла.
З рэзкім асуджэньнем учорашніх дзеяньняў беларускіх уладаў у адносінах да Аляксандра. Казуліна, ягоных паплечнікаў і журналістаў выступілі ўрады ЗША, Літвы, Аўстрыі і кіраўніцтва Эўрапейскага Зьвязу.
Кандыдат Казулін запісаў сёньня тэкст свайго радыёвыступу перад выбарцамі, у якім чарговы раз рэзка крытыкаваў палітыку цяперашняга кіраўніцтва.
Гл. таксама Невядомыя стралялі па машыне Ю.Радзівіла, якога трымаюць у СІЗА Кандыдат на прэзыдэнта Аляксандар Казулін зьбіты камандзірам брыгады спэцназу Дзьмітрыям Паўлічэнкам (фотарэпартаж) Пасьля затрыманьня Казуліна адбыўся інцыдэнт са стралянінай (фота)
Аляксандар Казулін таксама абараняе актывіста свайго перадвыбарчага штабу Юрыя Радзівіла, машына якога была ўчора абстраляная чалавекам у цывільным. Цяпер спадара Радзівіла абвінавачваюць у непадпарадкаваньні супрацоўніку міліцыі.
Сёньня Аляксандар Казулін прайшоў мэдычную экспэртызу, дзе зафіксаваў пабоі, нанесеныя яму ўчора ў Палацы культуры чыгуначнікаў палкоўнікам Паўлічэнкам і ягонымі падначаленымі. Кандыдат на прэзыдэнта ад сацыял-дэмакратаў патрабуе прыцягнуць гэтых людзей да крымінальнай адказнасьці.
(Казулін: ) “Мы ўжо падалі заяву на імя генэральнага пракурора. Дзе гэта бачна каб сярод дня нападалі з боку ды з заду. Ды там было каля паўсотні “адмарозкаў”. Яны ўжылі супраць мірных людзей тое, што мусілі б ужываць супраць злачынцаў”.
Аляксандар Казулін разам з назіральнікамі ад АБСЭ наведаў сёньня пракурора Маскоўскага раёну, дзе даў свае паказаньні ў справе ўчорашняга абстрэлу машыны актывіста перадвыбарчага штабу Юрыя Радзівіла.
Падначалены палкоўніка Паўлічэнкі абстраляў машыну спадара Радзівіла каля пастарунку міліцыі, дзе знаходзіўся Аляксандар Казулін. У гэты час там адбывалася затрыманьне паплечнікаў кандыдата. На Юрыя Радзівіла заведзеная крымінальная справа па артыкуле “Непадпарадкаваньне супрацоўнікам міліцыі”, і цяпер ён затрыманы.
(Казулін: ) “Мы далі пракурору факты і фатаздымкі, дзе ўсё гэта бачна. Там бачна, хто быў ініцыятарам і ўжыў зброю. Ужываньне зброі ў мірны час ёсьць злачынствам. А за злачынства трэба караць па ўсёй строгасьці закону. Але тут міліцыянты спрабуюць выкруціцца з гэтай, для іх вельмі непрыемнай, сытуацыі”.
Аляксандар Казулін сказаў, што будзе ўсімі сіламі бараніць Юрыя Радзівіла.
З рэзкім асуджэньнем учорашніх дзеяньняў беларускіх уладаў у адносінах да Аляксандра. Казуліна, ягоных паплечнікаў і журналістаў выступілі ўрады ЗША, Літвы, Аўстрыі і кіраўніцтва Эўрапейскага Зьвязу.
Кандыдат Казулін запісаў сёньня тэкст свайго радыёвыступу перад выбарцамі, у якім чарговы раз рэзка крытыкаваў палітыку цяперашняга кіраўніцтва.
Гл. таксама Невядомыя стралялі па машыне Ю.Радзівіла, якога трымаюць у СІЗА Кандыдат на прэзыдэнта Аляксандар Казулін зьбіты камандзірам брыгады спэцназу Дзьмітрыям Паўлічэнкам (фотарэпартаж) Пасьля затрыманьня Казуліна адбыўся інцыдэнт са стралянінай (фота)