Лінкі ўнівэрсальнага доступу

Як гамельчукі ставяцца да спадчыны Міхаіла Гарбачова?


Радыё Свабода Сёньня былому першаму прэзыдэнту СССР, генэральнаму сакратару ЦК КПСС Міхаілу Гарбачову споўнілася 75 гадоў. Як вы ацэньваеце спадчыну Гарбачова і чаму? — на гэтае пытаньне адказваюць жыхары Гомелю.

(Спадар: ) “З аднаго боку, дэмакратыя — ягоны плюс. А што вялікую дзяржаву разваліў — гэта мінус”.

(Спадар: ) “Пасьля Гарбачова нічога добрага не засталося. Ніякай карысьці мы ня мелі”.

(Спадарыня: ) “Гарбачоў даў нам галоснасьць, дэмакратыю. Дзякуй яму! Мы хоць штосьці ведаем”.

(Спадар: ) “Ён пераламіў крыху тую старую сыстэму”.

(Спадар: ) “Я думаю, што ад Хрушчова і Гарбачова ўсё добрае было, ад Ельцына — дрэнна”.

(Спадар: ) “Гарбачоў аб’яднаў Нямеччыну, ён разбурыў сьцяну. Гэта, канечне, ягоная заслуга. Таму немцы яго і падтрымліваюць”.

(Спадарыня: ) “Калісьці жанчыны хацелі маліцца на Гарбачова за тое, што ён вёў барацьбу з алькагалізмам. І мы гэта добра ўспрынялі ў той час. А потым вунь што атрымалася — пазбавіліся вінаграднікаў. Добрыя хацеў справы рабіць, але не заўсёды ўсё ва ўсіх атрымліваецца”.

(Спадар: ) “Я шчыры прыхільнік Гарбачова. Лічу, што ён зрабіў неацэнны ўнёсак у дэмакратызацыю грамадзтва. Успомніце ягоныя вольныя выбары! Па тэлебачаньні мы бачылі сапраўдных лідэраў. Прыгадваю Сабчака, нашых беларусаў — Карняенку, напрыклад. Гэта проста здорава! Ацаніць такога ўзроўню палітыка, як Гарбачоў, можа толькі чалавек, які сам мае пэўны інтэлектуальны ўзровень”.

(Спадарыня: ) “З Гарбачовым хавалі ад нас, што Чарнобыль узарваўся. Мы на дэманстрацыі хадзілі, агароды езьдзілі садзіць. Навошта было хаваць Чарнобыль?”

(Спадар: ) “Быў такі Гарбачоў. Перабудова і развал Саюзу — вось і ўсё”.

(Спадар: ) “Крыху пайгралі ў дэмакратыю ды забыліся. Кажу шчыра: цяпер усе ўсяго баяцца”.

(Спадар: ) “Ён зьліквідаваў камуністычную партыю, і яму трэба помнік ставіць. Калі б ня Ельцын, справы пайшлі б някепска. Перашкодзіў Ельцын у барацьбе за сваю ўладу”.

(Спадарыня: ) “Я жыла падчас кіраваньня Гарбачова. Нічога кепскага не прыгадваю. Мне падабалася жыць пры яго ладзе. Я асабіста віншую яго з днём народзінаў. Няхай жыве яшчэ доўга”.
XS
SM
MD
LG