Аляксандар Лукашэнка сёньня адмовіўся ад другога перадвыбарчага выступу па дзяржаўным тэлебачаньні. У адведзены яму час быў паказаны фільм пра працу спэцыяльнага фонду прэзыдэнта па падтрымцы таленавітых школьнікаў і студэнтаў.
Сёньня ж кандыдат на прэзыдэнта Беларусі Сяргей Гайдукевіч скарыстаўся сваім правам прэтэндэнта на вышэйшую дзяржаўную пасаду і другі раз выступіў па Беларускім тэлебачаньні.
Ягоная сёньняшняя прамова фактычна нічым не адрозьнівалася ад першага выступу – 21 лютага. Спадар Гайдукевіч цьвердзіў, што магчымасьці савецкага мінулага ўжо цалкам рэалізаваныя, Беларусь "прабуксоўвае" і таму патрэбна шукаць новыя рашэньні.
Тым часам перадвыбарчая праграма Аляксандра Мілінкевіча ня будзе апублікаваная ў дзяржаўных газэтах, бо нібыта не была своечасова перададзеная ў рэдакцыі газэтаў.
Кіраўнік штаба Мілінкевіча Сяргей Калякін патлумачыў, што адбыўся “збой у працы штабу”. Паводле яго, для распаўсюду праграмы кандыдата будуць задзейнічаныя ўсе іншыя магчымасьці – незалежныя СМІ і распаўсюд праз актывістаў.
Перадвыбарчая праграма Аляксандра Казуліна здадзеная для публікацыі ў дзяржаўныя газэты, паводле прэсавага сакратара Казуліна Ніны Шыдлоўскай яна асабіста адвезла тэкст праграмы ў рэдакцыі. Некаторыя выданьні адмыслова пакінулі дзяжурных рэдактараў, каб прыняць дакумэнт. У “Зьвяздзе” самастойна пераклалі праграму Казуліна на беларускую мову.
Сёньня ж кандыдат на прэзыдэнта Беларусі Сяргей Гайдукевіч скарыстаўся сваім правам прэтэндэнта на вышэйшую дзяржаўную пасаду і другі раз выступіў па Беларускім тэлебачаньні.
Ягоная сёньняшняя прамова фактычна нічым не адрозьнівалася ад першага выступу – 21 лютага. Спадар Гайдукевіч цьвердзіў, што магчымасьці савецкага мінулага ўжо цалкам рэалізаваныя, Беларусь "прабуксоўвае" і таму патрэбна шукаць новыя рашэньні.
Тым часам перадвыбарчая праграма Аляксандра Мілінкевіча ня будзе апублікаваная ў дзяржаўных газэтах, бо нібыта не была своечасова перададзеная ў рэдакцыі газэтаў.
Кіраўнік штаба Мілінкевіча Сяргей Калякін патлумачыў, што адбыўся “збой у працы штабу”. Паводле яго, для распаўсюду праграмы кандыдата будуць задзейнічаныя ўсе іншыя магчымасьці – незалежныя СМІ і распаўсюд праз актывістаў.
Перадвыбарчая праграма Аляксандра Казуліна здадзеная для публікацыі ў дзяржаўныя газэты, паводле прэсавага сакратара Казуліна Ніны Шыдлоўскай яна асабіста адвезла тэкст праграмы ў рэдакцыі. Некаторыя выданьні адмыслова пакінулі дзяжурных рэдактараў, каб прыняць дакумэнт. У “Зьвяздзе” самастойна пераклалі праграму Казуліна на беларускую мову.
