Паводле Марыюша Машкевіча, які, акрамя дыпляматычнай дзейнасьці зьяўляецца доктарам гуманітарных навук, спэцыялістам у галіне сацыялёгіі, Аляксандар Лукашэнка ў выпадку масавых пратэстаў напэўна выкарыстае сілу:
(Машкевіч: ) "Лукашэнка ня будзе мець ніякіх ваганьняў і ніякіх абмежаваньняў каб ужыць сілу супраць магчымых пратэстаў. Для гэтага ён рыхтуе цяпер вялікую колькасьць супрацоўнікаў адпаведных структураў. У яго няма выхаду.
Гэта не такая сытуацыя, як з былымі прэзыдэнтамі Расеі ці Ўкраіны, якія могуць сядзець на пэнсіі. Лукашэнка ведае, што якалі ён прайграе, дык усё перавернецца дагары нагамі, абваліцца ўвесь ягоны сьвет, таму ў цяперашняга беларускага кіраўніка няма іншага выхаду, як толькі трымаць уладу да канца".
Цяпер сытуацыю ў Беларусі ўвесь час спрабуюць параўноўваць да ўкраінскіх падзеяў напярэдадні і асабліва пасьля галасаваньня ў апошніх прэзыдэнцкіх выбарах, шукаючы адказу на пытаньне, ці магчымы ў Беларусі "украінскі варыянт". А як лічыць Марыюш Машкевіч?
(Машкевіч: ) "Мне падаецца, што сытуацыя ў Беларусі значна больш складаная. Хаця я ня так добра ведаю Ўкраіну, але ведаю, што напярэдадні аранжавай рэвалюцыі сытуацыя ва Ўкраіне была лепшай.
Калі казаць пра палітычнае жыцьцё, дык апазыцыйныя палітыкі ва Украіне бралі актыўны ўдзел у ім, а ў Беларусі яны працуюць ледзь не ў падпольлі. Што да мэдыяў, дык там незалежныя мэдыі былі, у Беларусі іх практычна няма.
Ва Ўкраіне быў таксама свой бізнэс, які мог дапамагчы аранжавай рэвалюцыі нават у банальных арганізацыйных пытаньнях – кава, гарбата ці намёты на Майдане. У Беларусі бізнэсмэны, незалежныя ад улады, альбо былі вымушаныя эміграваць, альбо сядзяць у турмах, альбо іх зрабілі банкрутамі. Тут таксама беларусам цяжэй.
Такім чынам стартавая сытуацыя Беларусі значна горшая, чым Украіны перад тымі выбарамі. Таму я б хутчэй не спадзяваўся нейкага румынскага ці кіргізскага варыянту, рэвалюцыі, калі натоўп выйдзе на плошчы, захопіць урадавыя будынкі".
У хуткім часе ў Беларусі зьявіцца новы польскі пасол – ягоная місія ў кантэксьце цяперашніх польска-беларускіх дачыненьняў напэўна ня будзе лёгкай. А што б яму параіў Марыюш Машкевіч?
(Машкевіч: ) "Цяжка даваць парады – цяпер зусім іншая сытуацыя. Я ў 1998-2002 гадах яшчэ мог весьці палітыку "гры на двух фартэпіянах" – утрыманьня кантактаў, абмежаванага супрацоўніцтва з уладамі, і адначасова супрацоўніцтва з мэдыямі, трэцім сэктарам. Я б раіў новаму амбасадару ў пэўным сэнсе вярнуцца да палітыкі падвойнага дыялёгу. Трэба казаць уладам аб тым, што нам не падабаецца, але адначасова рабіць тое, што ў інтарэсах абодвух народаў. Нельга разрываць сувязі паміж краінамі. Мы павінны думаць пра Беларусь у доўгатэрміновай пэрспэктыве, як пра эўрапейскага партнэра, зь якім некалі нашы дачыненьні будуць значна лепшымі".
Сказаў радыё Свабода Марыюш Машкевіч – былы пасол Польшчы ў Беларусі (1998-2002).
(Машкевіч: ) "Лукашэнка ня будзе мець ніякіх ваганьняў і ніякіх абмежаваньняў каб ужыць сілу супраць магчымых пратэстаў. Для гэтага ён рыхтуе цяпер вялікую колькасьць супрацоўнікаў адпаведных структураў. У яго няма выхаду.
Гэта не такая сытуацыя, як з былымі прэзыдэнтамі Расеі ці Ўкраіны, якія могуць сядзець на пэнсіі. Лукашэнка ведае, што якалі ён прайграе, дык усё перавернецца дагары нагамі, абваліцца ўвесь ягоны сьвет, таму ў цяперашняга беларускага кіраўніка няма іншага выхаду, як толькі трымаць уладу да канца".
Цяпер сытуацыю ў Беларусі ўвесь час спрабуюць параўноўваць да ўкраінскіх падзеяў напярэдадні і асабліва пасьля галасаваньня ў апошніх прэзыдэнцкіх выбарах, шукаючы адказу на пытаньне, ці магчымы ў Беларусі "украінскі варыянт". А як лічыць Марыюш Машкевіч?
(Машкевіч: ) "Мне падаецца, што сытуацыя ў Беларусі значна больш складаная. Хаця я ня так добра ведаю Ўкраіну, але ведаю, што напярэдадні аранжавай рэвалюцыі сытуацыя ва Ўкраіне была лепшай.
Калі казаць пра палітычнае жыцьцё, дык апазыцыйныя палітыкі ва Украіне бралі актыўны ўдзел у ім, а ў Беларусі яны працуюць ледзь не ў падпольлі. Што да мэдыяў, дык там незалежныя мэдыі былі, у Беларусі іх практычна няма.
Ва Ўкраіне быў таксама свой бізнэс, які мог дапамагчы аранжавай рэвалюцыі нават у банальных арганізацыйных пытаньнях – кава, гарбата ці намёты на Майдане. У Беларусі бізнэсмэны, незалежныя ад улады, альбо былі вымушаныя эміграваць, альбо сядзяць у турмах, альбо іх зрабілі банкрутамі. Тут таксама беларусам цяжэй.
Такім чынам стартавая сытуацыя Беларусі значна горшая, чым Украіны перад тымі выбарамі. Таму я б хутчэй не спадзяваўся нейкага румынскага ці кіргізскага варыянту, рэвалюцыі, калі натоўп выйдзе на плошчы, захопіць урадавыя будынкі".
У хуткім часе ў Беларусі зьявіцца новы польскі пасол – ягоная місія ў кантэксьце цяперашніх польска-беларускіх дачыненьняў напэўна ня будзе лёгкай. А што б яму параіў Марыюш Машкевіч?
(Машкевіч: ) "Цяжка даваць парады – цяпер зусім іншая сытуацыя. Я ў 1998-2002 гадах яшчэ мог весьці палітыку "гры на двух фартэпіянах" – утрыманьня кантактаў, абмежаванага супрацоўніцтва з уладамі, і адначасова супрацоўніцтва з мэдыямі, трэцім сэктарам. Я б раіў новаму амбасадару ў пэўным сэнсе вярнуцца да палітыкі падвойнага дыялёгу. Трэба казаць уладам аб тым, што нам не падабаецца, але адначасова рабіць тое, што ў інтарэсах абодвух народаў. Нельга разрываць сувязі паміж краінамі. Мы павінны думаць пра Беларусь у доўгатэрміновай пэрспэктыве, як пра эўрапейскага партнэра, зь якім некалі нашы дачыненьні будуць значна лепшымі".
Сказаў радыё Свабода Марыюш Машкевіч – былы пасол Польшчы ў Беларусі (1998-2002).