Спадар Савянкоў заявіў, што ўжо не займаецца гэтымі матэрыяламі:
(Савянкоў: ) “Матэрыялы перададзены ва ўправу дазнаньня ГУУС Менскага гарвыканкаму для правядзеньня далейшай праверкі. Закон дазваляе цягам месяца іх разглядаць”.
Выпадак, падчас якога Алег Воўчак атрымаў цялесныя пашкоджаньні ад невядомых, адбыўся 17 лютага. Ленінская ўправа міліцыі Менску ня высьветліла прозьвішчаў асобаў, якія ўчынілі гвалт супраць Воўчака — прычым, тыя асобы былі адразу дастаўленыя ў міліцыю сіламі каманды Казуліна. Алег Воўчак лічыць, што разгляд матэрыялаў міліцыя спэцыяльна зацягвае, каб дачакацца канца выбарчай кампаніі. Спадар Воўчак абскардзіў дзеяньні міліцыі ў заяве генэральнаму пракурору:
(Воўчак: ) “Лічу, што міліцыя зацягвае разгляд гэтых матэрыялаў, не зацікаўленая ў аб’ектыўнасьці ягонага правядзеньня, і прашу завесьці справу па частцы другой артыкулу 191 Крымінальнага кодэксу ў адносінах да тых асобаў, што на нас нападалі, бо яны перашкаджалі вольнаму правядзеньню кандыдатам і даверанымі асобамі агітацыі”.
Алег Воўчак таксама дамагаецца асабістай сустрэчы з генэральным пракурорам Беларусі.
(Савянкоў: ) “Матэрыялы перададзены ва ўправу дазнаньня ГУУС Менскага гарвыканкаму для правядзеньня далейшай праверкі. Закон дазваляе цягам месяца іх разглядаць”.
Выпадак, падчас якога Алег Воўчак атрымаў цялесныя пашкоджаньні ад невядомых, адбыўся 17 лютага. Ленінская ўправа міліцыі Менску ня высьветліла прозьвішчаў асобаў, якія ўчынілі гвалт супраць Воўчака — прычым, тыя асобы былі адразу дастаўленыя ў міліцыю сіламі каманды Казуліна. Алег Воўчак лічыць, што разгляд матэрыялаў міліцыя спэцыяльна зацягвае, каб дачакацца канца выбарчай кампаніі. Спадар Воўчак абскардзіў дзеяньні міліцыі ў заяве генэральнаму пракурору:
(Воўчак: ) “Лічу, што міліцыя зацягвае разгляд гэтых матэрыялаў, не зацікаўленая ў аб’ектыўнасьці ягонага правядзеньня, і прашу завесьці справу па частцы другой артыкулу 191 Крымінальнага кодэксу ў адносінах да тых асобаў, што на нас нападалі, бо яны перашкаджалі вольнаму правядзеньню кандыдатам і даверанымі асобамі агітацыі”.
Алег Воўчак таксама дамагаецца асабістай сустрэчы з генэральным пракурорам Беларусі.