"Мы хочам паказаць прэзыдэнту Беларусі, што сьмех – гэта зброя дэмакратыі", – гэтымі словамі пачынаецца тэкст пад карыкатурамі на Аляксандра Лукашэнку, што надрукаваў сёньня найбольш масавы польскі штодзёньнік "Gazeta Wyborcza".
Акрамя "Газэты Выбарчай" да акцыі салідарнасьці з аўтарамі малюнкаў і сатырычных мультфільмаў, далучыліся папулярная чэская газэта "Lidové Noviny", вугорскі штодзёньнік "Magyar Hirlap" і вядучая славацкая газэта "Sme" (нагадаем, яе карэспандэнту беларускія ўлады нядаўна не дазволілі ўезд на тэрыторыю Беларусі).
У "Газэце Выбарчай" кажуць, што газэта нягледзячы на тое, што ў Беларусь не пусьцілі і яе карэспандэнта, будзе ўсяляк змагацца супраць абмежаваньня права на доступ да інфармацыі ў Беларусі, у тым ліку і празь сьмех, "якога ня любіць і баіцца кожная дыктатура".
(Стасіньскі: ) "Трэба пратэставаць супраць таго, што адбываецца ў Беларусі. Нельга пагадзіцца з рэпрэсіямі. Таму мы пратэставалі і будзем пратэставаць усімі магчымымі спосабамі", – сказаў Радыё Свабода Пётра Стасіньскі – намесьнік галоўнага рэдактара "Газэты Выбарчай".
Былыя ўдзельнікі антыкамуністычных рухаў у Польшчы таксама кажуць, што сьмех можа быць эфэктыўнай зброяй у барацьбе супраць недэмакратычных уладаў. Гаворыць Генрык Вуец – адзін са стваральнікаў і лідэраў "Салідарнасьці", які ўжо ў вольнай Польшчы стаў дэпутатам і міністрам.
(Вуец: ) "Гэта, канечне, вельмі добрая зброя. Ва ўмовах рэжыму людзям нярэдка цяжка змагацца адкрыта, бо гэта пагражае турмой ці звальненьнем з працы. У камуністычнай Польшчы было вельмі шмат палітычных анэкдотаў, зьяўленьне якіх улады ніяк не маглі спыніць. Ці знаная "памаранчавая альтэрнатыва" – слова памаранчавы, напэўна, Лукашэнку не спадабалася б – людзі ў памаранчавых кашулях, пераапранутыя ў строі гномаў раздавалі мінакам на вуліцы туалетную паперу, а чалавек, апрануты як міліцыянт – ён называў сябе маёр Фрыдрых – разганяў гномаў. Так сьмяяліся зь міліцыянтаў, якія разганялі дэманстрацыі.. Такія акцыі, як зрабіла "Gazeta Wyborcza", дапамагаюць зразумець, што з гэтага дыктатара можна пасьмяяцца".
Карыкатуры на Лукашэнку
Кадр з флэш-мульціка mult.3dway.org
Gazeta Wyborcta: Jacek Gawlowski
Magyar Hirlap: Joko Csaba
SME: Martin Shooty Sutovec
Зьнешнія спасылкі: Карыкатуры Gazeta Wyborcza Карыкатуры SME.sk magyarhirlap.hu
Акрамя "Газэты Выбарчай" да акцыі салідарнасьці з аўтарамі малюнкаў і сатырычных мультфільмаў, далучыліся папулярная чэская газэта "Lidové Noviny", вугорскі штодзёньнік "Magyar Hirlap" і вядучая славацкая газэта "Sme" (нагадаем, яе карэспандэнту беларускія ўлады нядаўна не дазволілі ўезд на тэрыторыю Беларусі).
У "Газэце Выбарчай" кажуць, што газэта нягледзячы на тое, што ў Беларусь не пусьцілі і яе карэспандэнта, будзе ўсяляк змагацца супраць абмежаваньня права на доступ да інфармацыі ў Беларусі, у тым ліку і празь сьмех, "якога ня любіць і баіцца кожная дыктатура".
(Стасіньскі: ) "Трэба пратэставаць супраць таго, што адбываецца ў Беларусі. Нельга пагадзіцца з рэпрэсіямі. Таму мы пратэставалі і будзем пратэставаць усімі магчымымі спосабамі", – сказаў Радыё Свабода Пётра Стасіньскі – намесьнік галоўнага рэдактара "Газэты Выбарчай".
Былыя ўдзельнікі антыкамуністычных рухаў у Польшчы таксама кажуць, што сьмех можа быць эфэктыўнай зброяй у барацьбе супраць недэмакратычных уладаў. Гаворыць Генрык Вуец – адзін са стваральнікаў і лідэраў "Салідарнасьці", які ўжо ў вольнай Польшчы стаў дэпутатам і міністрам.
(Вуец: ) "Гэта, канечне, вельмі добрая зброя. Ва ўмовах рэжыму людзям нярэдка цяжка змагацца адкрыта, бо гэта пагражае турмой ці звальненьнем з працы. У камуністычнай Польшчы было вельмі шмат палітычных анэкдотаў, зьяўленьне якіх улады ніяк не маглі спыніць. Ці знаная "памаранчавая альтэрнатыва" – слова памаранчавы, напэўна, Лукашэнку не спадабалася б – людзі ў памаранчавых кашулях, пераапранутыя ў строі гномаў раздавалі мінакам на вуліцы туалетную паперу, а чалавек, апрануты як міліцыянт – ён называў сябе маёр Фрыдрых – разганяў гномаў. Так сьмяяліся зь міліцыянтаў, якія разганялі дэманстрацыі.. Такія акцыі, як зрабіла "Gazeta Wyborcza", дапамагаюць зразумець, што з гэтага дыктатара можна пасьмяяцца".
Карыкатуры на Лукашэнку
Кадр з флэш-мульціка mult.3dway.org
Gazeta Wyborcta: Jacek Gawlowski
Magyar Hirlap: Joko Csaba
SME: Martin Shooty Sutovec
Зьнешнія спасылкі: Карыкатуры Gazeta Wyborcza Карыкатуры SME.sk magyarhirlap.hu