У часе разгону ўчорашняй акцыі было затрымана больш за 20 чалавек, сярод іх непаўнагадовыя. Пасьля 10 вечара затрыманых пачалі выпускаць. Чатырох зь іх не адпусьцілі, і цяпер судзяць. Актывіста руху Зубр Алега Мяцеліцу зь Бялынічаў адвезьлі ў Партызанскае аддзяленьне міліцыі і склалі на яго пратакол за хуліганства – нібыта той лаяўся і супраціўляўся міліцыі. Супраць маладафронтаўцаў быў таксама ўжыты артыкул “хуліганства”. У часе выбарчай кампаніі гэта ня першае затрыманьне, але ніводнага разу не былі ўжытыя “палітычныя” артыкулы Адміністрацыйнага кодэксу.
Радыё Свабода Актывіста Маладога Фронту Андрэя Корбана суд Цэнтральнага раёну арыштаваў на 10 сутак. Ягоны паплечнік Барыс Гарэцкі запатрабаваў адваката і чакае яго прыезду.
Самае папулярнае
1
