Лінкі ўнівэрсальнага доступу

Праграма Мілінкевіча прагназуе рост заробкаў да 550 эўра


Радыё Свабода Палітычная Рада аб’яднаных дэмакратычных сілаў сёньня зацьвердзіла перадвыбарчую праграму Аляксандра Мілінкевіча.

“Наша праграма пабудаваная на трох фундамэнтальных каштоўнасьцях: свабода, праўда, справядлівасьць”, – заявіў Аляксандар Мілінкевіч. Паводле яго, праграма не прадугледжвае рэвалюцыйных зьменаў, а зьяўляецца плянам "спакойнага, але ўпэўненага разьвіцьця Беларусі".

Праграма Мілінкевіча прадугледжвае “палітычную рэформу – аднаўленьне прынцыпу падзелу ўладаў, скасаваньне абавязковай і ўсеагульнай кантрактнай сыстэмы, рост заробку, падтрымку маладых сем''яў”.

Паводле Мілінкевіча, рэалізацыя праграмы створыць паўмільёна новых працоўных месцаў і забясьпечыць рост сярэдняга заробку да 550 эўра.

Заўтра ў Маскве ў офісе Саюза правых сіл адбудзецца прэзэнтацыя перадвыбарчай праграмы Мілінкевіча.

Акрамя самога кандыдата, ягоную каманду на гэтым мерапрыемстве будуць прадстаўляць Анатоль Лябедзька, Яраслаў Раманчук і Сяргей Калякін.

Зьнешнія спасылкі: • Афіцыйны сайт А.Мілінкевіча
XS
SM
MD
LG