Як паведаміў сябра Рады новастворанай Незалежнай грамадзкай камісіі выбаршчыкаў Юры Беленькі, ва ўстаноўчым сходзе прымалі ўдзел прадстаўнікі ўсіх абласьцей краіны, касьцяк гэтай арганізацыі склаў актыў КХП БНФ. Абраная рада і рэвізійная камісія, ухваленыя статутныя дакумэнты, якія будуць перададзеныя ў для рэгістрацыі ў Мін''юст, паведаміў спадар Беленькі.
Апрача яго ў склад Рады абраныя Сяргей Папкоў, Уладзімер Раманцоў, Валеры Буйвал і Алесь Чахольскі. Спадар Беленькі спадзяецца, што гэтая грамадзкая арганізацыя будзе аб’ядноўваць людзей розных палітычных поглядаў, якія не жадаюць дапусьціць фальсыфікацыяў на выбарах прэзыдэнта 19 сакавіка:
(Беленькі: ) “Калі далей так імкліва пойдуць гэтыя працэсы, то сапраўды мы гэтую ідэю народнага галасаваньня рэалізуем, бо велізарны настрой у грамадзтве супрацьстаяць фальсыфікацыям. На сёньняшні дзень гэта адзіная ідэя, якая мае пад сабой рэальны грунт, да таго ж абсалютна палягае ў рамках дзейнага заканадаўства, абсалютна законная, і якая на выхадзе мае рэальныя шанцы быць рэалізаванай”.
Юры Беленькі спадзяецца на далейшае пашырэньне ідэі народнага галасаваньня ў грамадзтве.
Кандыдат ад аб’яднанай апазыцыі Аляксандар Мілінкевіч гэтак выказаў свае адносіны да фармаваньня грамадзкай камісіі па народным галасаваньні:
(Мілінкевіч: ) “Ідэя сама па сабе вельмі цікавая. Я б за яе дзьвюма рукамі быў бы, калі б я верыў, што магчыма хаця б палову насельніцтва ўгаварыць гэта зрабіць. Паколькі мы ня можам, і будзе вельмі малая колькасьць людзей, гэта пашкодзіць агульнай справе… Мы ж кажам, што трэба ісьці на ўчасткі, трэба ўкінуць бюлетэнь абавязкова, каб і камісіі ўбачылі, што на самой справе ёсьць, гэта таксама ў іх будзе дэпрэсію выклікаць. Шкада, што мы часам у аблоках лятаем, а не па зямлі ходзім”.
Іншы патэнцыйны кандыдат на выбарах 19 сакавіка, лідэр БСДП “Грамада” Аляксандар Казулін таксама ў прынцыпе станоўча ацэньвае ідэю народнага галасаваньня, але ня верыць у ягоны посьпех:
(Казулін: ) “Галоўнае, каб людзі разумелі, што да чаго, і добра, калі да іх будзе даносіцца інфармацыя, што Лукашэнка нелегітымны, аб тым, што ён парушыў Канстытуцыю, пра што сёньня ніхто не ведае. Таму, канешне, я да гэтай ініцыятывы стаўлюся нармальна, толькі трэба глядзець, які будзе вынік. Я проста зьдзіўляюся, наколькі ў нас цягам апошніх 15 гадоў была віртуальная палітыка”.
Апрача яго ў склад Рады абраныя Сяргей Папкоў, Уладзімер Раманцоў, Валеры Буйвал і Алесь Чахольскі. Спадар Беленькі спадзяецца, што гэтая грамадзкая арганізацыя будзе аб’ядноўваць людзей розных палітычных поглядаў, якія не жадаюць дапусьціць фальсыфікацыяў на выбарах прэзыдэнта 19 сакавіка:
(Беленькі: ) “Калі далей так імкліва пойдуць гэтыя працэсы, то сапраўды мы гэтую ідэю народнага галасаваньня рэалізуем, бо велізарны настрой у грамадзтве супрацьстаяць фальсыфікацыям. На сёньняшні дзень гэта адзіная ідэя, якая мае пад сабой рэальны грунт, да таго ж абсалютна палягае ў рамках дзейнага заканадаўства, абсалютна законная, і якая на выхадзе мае рэальныя шанцы быць рэалізаванай”.
Юры Беленькі спадзяецца на далейшае пашырэньне ідэі народнага галасаваньня ў грамадзтве.
Кандыдат ад аб’яднанай апазыцыі Аляксандар Мілінкевіч гэтак выказаў свае адносіны да фармаваньня грамадзкай камісіі па народным галасаваньні:
(Мілінкевіч: ) “Ідэя сама па сабе вельмі цікавая. Я б за яе дзьвюма рукамі быў бы, калі б я верыў, што магчыма хаця б палову насельніцтва ўгаварыць гэта зрабіць. Паколькі мы ня можам, і будзе вельмі малая колькасьць людзей, гэта пашкодзіць агульнай справе… Мы ж кажам, што трэба ісьці на ўчасткі, трэба ўкінуць бюлетэнь абавязкова, каб і камісіі ўбачылі, што на самой справе ёсьць, гэта таксама ў іх будзе дэпрэсію выклікаць. Шкада, што мы часам у аблоках лятаем, а не па зямлі ходзім”.
Іншы патэнцыйны кандыдат на выбарах 19 сакавіка, лідэр БСДП “Грамада” Аляксандар Казулін таксама ў прынцыпе станоўча ацэньвае ідэю народнага галасаваньня, але ня верыць у ягоны посьпех:
(Казулін: ) “Галоўнае, каб людзі разумелі, што да чаго, і добра, калі да іх будзе даносіцца інфармацыя, што Лукашэнка нелегітымны, аб тым, што ён парушыў Канстытуцыю, пра што сёньня ніхто не ведае. Таму, канешне, я да гэтай ініцыятывы стаўлюся нармальна, толькі трэба глядзець, які будзе вынік. Я проста зьдзіўляюся, наколькі ў нас цягам апошніх 15 гадоў была віртуальная палітыка”.
