Лінкі ўнівэрсальнага доступу

“Чарнобыльская малітва” прэтэндуе на прэмію амэрыканскіх крытыкаў


Радыё Свабода Кніга беларускай пісьменьніцы Сьвятланы Алексіевіч “Чарнобыльская малітва” ўвайшла ў склад прэтэндэнтаў на атрыманьне прэміі Нацыянальнага клюбу амэрыканскіх кніжных крытыкаў NBCC у намінацыі “дакумэнтальная проза”.

Сярод прэтэндэнтаў на гэтую прэмію за 2005 год шырока вядомыя літаратары – турэцкі пісьменьнік Орхан Памук, амэрыканец Джон Апдайк і японец Кадзуа Ісігура. Як паведаміла Сьвятлана Алексіевіч агенству БелаПАН, 3 сакавіка па выніках разгляду твораў вядомыя літаратурныя крытыкі абяруць ляўрэата “за новы погляд на сучасную рэальнасьць”.

"Чарнобыльская малітва" выдадзеныя ў 21 краіне сьвету. Творы Сьвятланы Алексіевіч адзначаныя 17 міжнароднымі прэміямі.

***

NBCC (National Book Critics Circle) – Нацыянальны клюб амэрыканскіх кніжных крытыкаў заснаваны ў 1974 годзе, налічвае ў сваім складзе каля 700 літаратурных крытыкаў. Кожны год клюб прэзэнтуе прыз на найлепшую кнігу ў пяці катэгорыях: проза, дакумэнтальная проза, біяграфія, паэзія, крытыка.
XS
SM
MD
LG