Лінкі ўнівэрсальнага доступу

І.Халіп: "Пургурыдэс зьбіраецца выступіць з надзвычай вострай прамовай"


Радыё Свабода Сярод прадстаўнікоў СМІ, якія непасрэдна сочаць за падзеямі на Парлямэнцкай асамблеі Рады Эўропы, што праходзіць у гэтыя дні ў Страсбуры, вядомая беларуская журналістка Ірына Халіп.

(Халіп: ) "Даклад аб сытуацыі ў Беларусі падрыхтаваны Палітычным камітэтам ПА Рады Эўропы. Але таксама ён быў перададзены ў Юрыдычны камітэт для таго, каб той таксама даў сваю ацэнку дакладу і, магчыма, унёс нейкія папраўкі. Паводле парлямэнтароў, якія ўваходзяць у Юрыдычны камітэт, яны вырашылі нічога да гэтага дакладу не дадаваць. Гэта робіцца для таго, каб прадэманстраваць беларускім уладам, што ПАРЭ сапраўды дамаглася адзінства, і што гэты даклад – вельмі моцны, як цяпер модна гаварыць, “мэсыдж” для беларускага рэжыму.

Я сёньня бачыла Хрыстаса Пургурыдэса. І ён мне сказаў, што такой жорсткай прамовы, зь якой ён зьбіраецца выступаць, ён яшчэ ніколі не прамаўляў, што гэта будзе ягоны, так бы мовіць, праграмны выступ.

Мы ведаем, што спадар Пургурыдэс – вельмі паважаная асоба ў Парлямэнцкай асамблеі. І вельмі вядомы пасьля сваёй працы экспэрт у беларускай сытуацыі.

Я ведаю, што праца старшыні падкамітэту ў справах Беларусі Палітычнага камітэту ПАРЭ Андрыса Хэркеля, які закончыў распачаты Асімам Малазадэ даклад, вельмі задаволіла астатніх сябраў Палітычнага камітэту".
XS
SM
MD
LG