Лінкі ўнівэрсальнага доступу

Чым апазыцыянэрка абразіла судзьдзю Казачка?


Радыё Свабода Сёньня пракурор Чыгуначнага раёну Гомеля спадар Раманюк вынес грамадзкай актывістцы Марыі Багдановіч афіцыйнае папярэджаньне на падставе артыкулу 391 Крымінальнага кодэксу – абраза судзьдзі.

27 лістапада мінулага году міліцынты двойчы ўчынялі ператрус у кватэры спадарыні Багдановіч. Рабілася гэта нібыта дзеля таго, каб спраўдзіць, ці не яна вырабляла ўлёткі пад назовам “Народны кантроль”, якія мелі распаўсюд у горадзе.

У іх крытакавалася рашэньне судзьдзі Цэнтральнага суду Віктара Казачка. Апошні 21 лістапада пакараў спадарыню Багдановіч буйным штрафам за распаўсюд улётак пра рост камунальных плацяжоў у дзень сьвята чарговых угодкаў Кастрычніцкага перавароту 7 лістапада.

Гэтыя ўлёткі судзьдзя расцаніў як пэрыядычнае выданьне без належных выходных зьвестак.

Марыя Багдановіч сьцьвярджае, што ня мела дачыненьняў да ўлётак пра судзьдзю Казачка.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG