Лінкі ўнівэрсальнага доступу

Двух актывістаў Саюзу палякаў аштрафаваў камандзір памежнага атраду


Сяргей Астраўцоў, Горадня. Камандзір Гарадзенскага памежнага атраду палкоўнік Абызаў сёньня пакараў за парушэньне знаходжаньня ў памежнай зоне Анджэя Пісальніка—галоўнага рэдактара газэты “Glos znad Niemna” у эміграцыі” і Андрэя Пачобута—галоўнага рэдактара часопіса “Magazyn Polski”. Кожны зь іх аштрафаваны на дзесяць базавых адзінак, гэта—290 тысяч рублёў.

26 сьнежня ўвечары памежнікі затрымалі іх на пад’езьдзе на мястэчка Сапоцкін Гарадзенскага раёну, куды яны накіроўваліся на калядную сустрэчу з актывістамі СПБ. На іх склалі адміністрацыйныя пратаколы за парушэньне рэжыму знаходжаньня ў памежнай зоне і адпусьцілі. Сёньня пратаколы разгледзеў камандзір памежнага атраду. Абодва актывісты — жыхары Горадні, для наведваньня Сапоцкіна ўсім гарадзенцам патрэбны спэцыяльны пропуск.
XS
SM
MD
LG