Афіцэр абвінавачваецца ў лабіраваньні за грошы інтарэсаў камэрцыйнай фірмы, якая пастаўляла гальштукі для афіцэрскай формы. Паводле вайсковай пракуратуры, страты вымяраюцца сумай большай за 40 мільёнаў рублёў.
Гэта ня першы за апошнія гады карупцыйны скандал ў Мінабароны.
У траўні да 11 гадоў зьняволеньня быў асуджаны палкоўнік Уладзімер Талай, які камандаваў ўправай ракетна-артылерыйскага ўзбраеньня Мінабароны і паводле суду за грашовую ўзнагароду танна прадаў камэрсантам вайсковыя аўтамабілі.
