Лінкі ўнівэрсальнага доступу

Улады маюць даць адказ адносна мітынгу 10 сьнежня


Сёньня Менскі гарвыканкам мусіць адказаць на заяўку прадпрымальнікаў, якія мяркуюць 10 сьнежня правесьці мітынг на Кастрычніцкай плошчы ў Менску.

Адзін з заяўнікаў мітынгу, лідэр прадпрымальніцкага руху Алесь Макаеў сказаў, што сёньня пачалася праверка ягоных гандлёвых кропак. Праверку праводзяць супрацоўнікі Аддзелу ў барацьбе з эканамічнай злачыннасьцю (АБЭЗ) і падатковай інспэкцыі Цэнтральнага раёну.

Паводле Алеся Макаева, супрацоўнікі АБЭЗу спрабуюць апісваць тавар. Аналягічная праверка была праведзена з 2 кастрычніка і скончылася 17 лістапада.

“Я страціў амаль 5 тысяч даляраў, бо быў вывезены тавар. Мы, прадпрымальнікі, гандлюем "з колаў”.

Яшчэ адзін з заяўнікаў мітынгу Алесь Таўстыка арыштаваны на 7 сутак за распаўсюд улётак пра мітынг.
XS
SM
MD
LG