Лінкі ўнівэрсальнага доступу

Форум прыхільнікаў Пуціна – не для журналістаў


Юры Дракахруст, Прага Сёньня ў Маскве ў Палацы спорту “Лужнікі” адбыўся форум удзельнікаў руху “За Пуціна”. На гэтым сходзе, у якім узялі ўдзел каля 5 тысяч чалавек, пераважна моладзі, выступіў прэзыдэнт Расеі. Многія замежныя журналісты не былі дапушчаныя на сход.

Сярод тых, каго не пусьцілі на сход – наш калега, карэспандэнт расейскай службы Радыё Свабода Максім Ярашэўскі. Ён распавядае:

Ярашэўскі: “З раніцы Палац спорту ў Лужніках абкружылі міліцыянэры і салдаты ўнутраных войск. На ўваходзе правяралі ня толькі запрашальныя квіткі – прозьвішчы дэлегатаў параўноўвалі са сьпісамі ўдзельнікаў, а таксама прасілі паказаць пашпарты. Некалькі журналістаў, у асноўным замежных тэлеканалаў, пазбаўленыя акрэдытацыі, былі вымушаныя размаўляць з патэнцыйнымі сябрамі руху "За Пуціна" на вуліцы”.

Прыхільнікі Пуціна: “З намі Бог”

Паводле Максіма Ярашэўскага, тры дзяўчыны, што прыйшлі на сустрэчу, заявілі замежным журналістам, што прыйшлі на суcтрэчу таму, што зьяўляюцца "пераемнікамі Пуціна".

А вось меркаваньне маладых людзей, якія здымалі на відэа фільм пра сёньняшні форум:

"Курс Пуціна і партыі "Единая Россия" аб''яднаў усіх расейцаў сёньня. Рэйтынг Уладзіміра Ўладзіміравіча Пуціна і партыі "Единая Россия" на плянеце самы вышэйшы, усенародны. Ісус Хрыстос і Божая Маці з Расеяй Уладзіміра Ўладзіміравіча Пуціна – назаўжды".

Актывістка прапуцінскага руху Натальля упэўненая, што вера ў Бога павінна падштурхнуць Пуціна на трэці тэрмін.

"Я праваслаўны чалавек, і ўпэўненая, што ёсьць Боская воля на гэта. А ці ёсьць Боская воля, каб захоўваць Канстытуцыю – гэта вялікае пытаньне".

Пуцін: “У Расеі хочуць зрабіць тое самае, што ў суседніх краінах”

Уладзімір Пуцін прыехаў на форум сваіх прыхільнікаў празь некалькі гадзін пасьля пачатку. Усе 5 тысяч удзельнікаў сустрэлі яго зьяўленьне воплескамі і скандаваньнем: “Расея! Расея!”

Пуцін: “Я даў згоду ўзначаліць сьпіс "Единой Росии". Зрабіў гэта абсалютна сьвядома. Лічу, што такім чынам змагу дапамагчы фармаваньню аўтарытэтнай і дзеяздольнай заканадаўчай улады".

У сваім выступе прэзыдэнт Расеі абрынуўся на сваіх неназваных апанэнтаў. Паводле яго, “яны хочуць узяць рэванш і рэстаўраваць алігархічны рэжым”. “Падвучыліся ў заходніх экспэртаў, патрэніраваліся на суседніх краінах – зараз у Расеі хочуць зрабіць тое самае”.

Паводле Пуціна, у краіне знаходзяцца тыя, хто “шакаліць ля замежных пасольстваў, разьлічваючы на замежныя фонды і ўрады, а не на падтрымку ўласнага народу”.

Расейскі камуніст Зюганаў шкадуе, што Пуцін не ачоліў "саюзнай дзяржавы", 20.11.2007 Расеяй кіруе “калектыўны Пуцін”. Ці існуе “калектыўны Лукашэнка”?, 19.10.2007
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG