Лінкі ўнівэрсальнага доступу

“20 лістапада пачалася насыпка кургану Вечнай славы”


Падрыхтаваў Зьміцер Падбярэскі Пра што пісалі беларускія газэты 21 лістапада ў розныя гады мінулага.

“Беларуская крыніца” на гэтым тыдні 1927 году паведамляе: “На задушны дзень (2 лістапада) група Віленскага беларускага грамадзянства адведала магілы: К.Сваяка, А.Лавіцкага і Л.Кандратовіча. Асабліва цікава было пры магіле Сваяка, калі сабраныя пачалі пяяць беларускія песьні. Сабраўся тады натоўп польскага грамадзянства, які з зацікаўленьнем слухаў беларускіх сьпеваў... Да Беларусаў далучылася такжа група літоўцаў, якія хацелі аддаць чэсьць песьнярам братняга беларускага народу”.

“На 21-м кілямэтры магістралі Менск — Масква 20 лістапада пачалася насыпка кургану Вечнай славы, — інфармуе ў 1967 годзе “Знамя юности”. — Ён будуецца ў гонар воінаў і партызанаў, якія ў 1944 годзе разьбілі нямецка-фашыстоўскую групоўку арміяў “Цэнтар”... Пад гукі мэлёдыі песьні “Я люблю тебя, жизнь” бясконцым ланцужком узыходзяць людзі на вяршыню кургану. Там яны высыпаюць зямлю, якую прывезьлі з памятных месцаў рэспублік і гарадоў-герояў Масквы, Ленінграду, Валгаграду, Кіева, Севастопалю, Адэсы, крэпасьці-герою Берасьця”.

“Имя”, год 1997. Газэта піша: “Усясьветны дзень вітаньняў прайшоў цалкам незаўважна ў нашай краіне. Але гэтае сьвята адзначаецца 21 лістапада ад 1973 году. Ідэя ягонага правядзеньня зьявілася ў братоў Майкла і Браяна Маккормакаў з ЗША як рэакцыя на ўзмацненьне міжнароднай напружанасьці. Браты меркавалі, што простыя “Ні!”, “Tag!”, “Привет!”, “Салям!”, якія разьлятаюцца па ўсім сьвеце шматмільярдным накладам, хоць крыху адагрэюць кожнае чалавечае сэрца...”
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG