Лінкі ўнівэрсальнага доступу

Сьцяпана Сухарэнку выклікалі ў суд як сьведку


Алег Грузьдзіловіч, Менск 19 лістапада былы старшыня КДБ Сьцяпан Сухарэнка даў сьведчаньні ў справе аб зьбіцьці старшыні Камітэту дзяржкантролю Беларусі Зянона Ломаця. “Нічога не камэнтую”, -- сказаў Зянон Ломаць журналістам на ганку Вярхоўнага Суду.

Працэс пачаўся 5 лістапада і праходзіць за зачыненымі дзьвярыма. Судзяць трох супрацоўнікаў КДБ і аднаго супрацоўніка Савету бясьпекі. Прозьвішча аднаго з абвінавачаных -- Арлоўскі, прозьвішчы іншых не называюць. 14 лістапада на працэсе выступіў Зянон Ломаць. Вядома, што ад сваіх ранейшых паказаньняў у якасьці пацярпелага ён не адмовіўся. Абвінавачаным пагражае абмежаваньне ў службе альбо зьняволеньне да сямі гадоў.

Нагадаем, старшыня Камітэту дзяржкантролю Зянон Ломаць быў зьбіты ў адным з гатэляў Магілёва сёлета ў ліпені. Праз некалькі дзён пасьля гэтага інцыдэнту Аляксандар Лукашэнка зьняў з пасадаў старшыню КДБ Сьцяпана Сухарэнку і ягонага першага намесьніка Васіля Дземянцея. Між тым пра сувязь паміж адстаўкамі і падзеямі ў Магілёве афіцыйна не казалася.

• Старшыня Дзяржкантролю З.Ломаць прыйшоў у суд з ахоўнікамі, 14.11.2007
XS
SM
MD
LG