Лінкі ўнівэрсальнага доступу

Расейскія ракеты будуць пастаўленыя ў Беларусь


Радыё Свабода Беларусь атрымае па ільготных цэнах расейскія ракетныя комплексы “Іскандэр” – пра гэта паведаміў начальнік ракетных войскаў і гарматаў Беларусі Міхаіл Пузікаў. Паводле яго імі да 2015-2020 году будзе пераўзброеная 465 ракетная брыгада, разьмешчаная ў паселішчы Цэль каля Асіповічаў. Цяпер яна мае на ўзбраеньне ракeтна-тактычныя комплексы “Точка-У”.

Беларусь атрымае па ільготных цэнах расейскія ракетныя комплексы “Іскандэр” – пра гэта паведаміў начальнік ракетных войскаў і гарматаў Беларусі Міхаіл Пузікаў. Паводле яго імі да 2015-2020 году будзе пераўзброеная 465 ракетная брыгада, разьмешчаная ў паселішчы Цэль каля Асіповічаў. Зараз яна мае на ўзбраеньне ракeтна-тактычныя комплексы “Точка-У”.

Генэрал Пузікаў паведаміў, што новыя ракетныя комплексы будуць набывацца па ільготных унутрырасейскіх цэнах і што сродкі на гэта ўжо выдзеленыя.

Ракетны комплекс “Іскандэр-Э”мае дальнасьць паражэньня 280 кілqмэтраў, можа несьці касэтную, асколкавую і фугасную баявыя часткі.

Паводле расейскага калегі генэрала Пузікава, начальніка ракетных войскаў і артылерыі Расеі Уладзімера Зарыцкага пастаўка ў Беларусь “Іскандэраў” можа стаць варыянтам адказу на разьмяшчэньне ў Чэхіі і Польшчы элемэнтаў амэрыканскай сыстэмы супрацьракетнай абароны.

Паводле генэрала Зарыцкага гэтыя ракетныя комплексы не падпадаюць пад дзеяньне Дамовы аб скарачэньні ракет сярэдняй і меншай дальнасьці. Але – патлумачыў ён – калі будзе прынятае палітычнае рашэньне аб выхадзе з гэтай дамовы, Расея будзе нарошчваць баявыя магчымасьці комплексу, у тым ліку і па дальнасьці паражэньня да 500 кілямэтраў. “Будзе так, як Радзіма запатрабуе” – сказаў Уладзімер Зарыцкі. Ён прыгадаў заявы расейскіх кіраўнікоў пра тое, што калі да дамовы аб ракетах сярэдняй і меншай дальнасьці не далучацца ўсе дзяржавы Эўропы, то Расеі будзе цяжка выконваць яе ўмовы.

Варта прыгадаць, што на мінулым тыдні Дзяржаўная Дума Расеі аднагалосна прагаласавала за прыпыненьне ўдзелу краіны ў іншай базавай міжнароднай дамове – аб звычайных узбраеньнях у Эўропе.

Аб праблемах вытворчасьці ракет сярэдняй і меншай дальнасьці ў краінах «трэцяга сьвету» прэзыдэнт Расеі Ўладзімер Пуцін казаў у лютым летась на канфэрэнцыі па бясьпецы у Мюнхене.

Сёлета ў лютым начальнік расейскага генштабу Юры Балуеўскі наўпрост казаў пра магчымасьць аднабаковага выхаду Расеі з гэтай дамовы.

Дамова аб ракетах сярэдняй і меншай дальнасьці была падпісаная Савецкім Саюзам і злучанымі Штатамі ў 1987 годзе, яна забараняе бакам мець, купляць, вытвараць і распрацоўваць балістычныя ракеты з дальнасьцю паражэньня ад 500 да 5000 кілямэтраў.
XS
SM
MD
LG