Лінкі ўнівэрсальнага доступу

“Часам на “Советскую Белоруссию” прымушаюць падпісвацца і мужа, і жонку”


Сяргей Астраўцоў, Горадня Ці выпісваеце вы дзяржаўныя выданьні? Ці даводзілася вам сутыкацца з прымусовай падпіскай? На гэтыя пытаньні адказвалі гарадзенцы.

Спадарыня: “Мне даводзілася з такім сутыкацца. Напрыклад, у нас на працы навязваюць “Советскую Белоруссию” — пэўную колькасьць асобнікаў, на якія павінны падпісацца нашы супрацоўнікі. Але я асабіста не выпісваю, таму што мне ў дзяржаўных газэтах недастаткова інфармацыі. Я купляю “Вечерний Гродно” і “Комсомольскую правду”.

Спадар: “Дзяржаўных газэтаў я не выпісваю, і каб прымушалі на іх падпісвацца — у нас такога не было”.

Спадар: “Мы раней выпісвалі “Гродзенскую праўду”, “Вечерку” выпісвалі, а цяпер нічога не выпісваем, бо ламаюць паштовыя скрынкі, нічога туды не пакладзеш”.

Спадар: “На працы мне нічога не гавораць наконт падпіскі, і на дзяржаўныя газэты асабіста я не падпісваюся”.

Сталая спадарыня: “Не, я пэнсіянэрка й нічога не выпісваю, мне пэнсіі не хапае, каб штосьці выпісваць”.

Спадарыня: “Я выпісваю “Беларускі час”, таму што зьвязана з прафсаюзамі, і ўсё. А падпісвацца ў нас не прымушаюць”.

Спадар: “Я не выпісваю дзяржаўных газэтаў — і не даводзілася сутыкацца з гэтым, мяне ніхто не прымушаў, не было такога”.

Малады спадар: “Не, я іх не выпісваю, і на працы ў нас няма такога, не прымушаюць”.

Малады спадар: “Я працую ў прыватнай фірме і, адпаведна, ніякага прэсінгу ў нас няма. Хаця ў дзяржаўных установах такая праблема існуе. У мяне працуюць бацькі, таму я ведаю. Ну, напрыклад, калі ўзяць мэдыцыну, то там прымушаюць падпісвацца на “Медицинский вестник”, у міліцыі — на “Милицейский вестник” і гэтак далей. Абсалютна ўсе мэдыкі выпісваюць “Медицинский вестник”: ад малодшага мэдпэрсаналу і да старэйшага”.

Спадар: “Я не выпісваю газэтаў, я купляю. А на рабоце не сутыкаўся, каб прымушалі. Я купляю “Белорусский рынок” і тое, чым захапляюся, — кампутарныя выданьні”.

Малады спадар: “Не, на працы не прымушаюць, і выпісваю я толькі “Пресс-бол”, спартовую газэту”.

Малады спадар: “Я газэтаў не выпісваю, хаця ведаю, што ў некаторых установах прымушаюць падпісвацца, асабліва гэта датычыць, напрыклад, школаў. Маю знаёмых: муж з жонкай працуюць у розных дзяржаўных установах, і іх прымушаюць выпісваць “Советскую Белоруссию”. І так атрымліваецца, што дадому ідуць два асобнікі “Советской Белоруссии”. І нічога ня зробіш, бо яны вымушаны паказваць блянк, каб пацьвердзіць, што яны сапраўды падпісаліся на гэтую газэту”.
XS
SM
MD
LG