10:50 На месцы збору – некалькі сотняў чалавек. Людзі трымаюць бел-чырвона-белыя сьцягі, сьцягі з гербам Менску. Сярод іх кіраўнік Партыі БНФ Вінцук Вячорка.
10:40 Вольга Казуліна з плякатам «Свабоду Казуліну!» стала ля праезнай часткі. Некаторыя кіроўцы машынаў сыгналяць на знак салідарнасьці.
10:35 Удзельнікі акцыі рыхтуюць крыжы, якія панясуць у Курапаты. Крыжы зрабіў цясьляр з Жодзіна Анатоль Рыбкавец.
10:32 На месцы збору – з паўсотні чалавек. У асноўным гэта моладзь. Тут дачка Аляксандра Казуліна Вольга са сваім сынам Уладзіславам. Яна паведаміла, што панясе плякат “Свабоду Казуліну”.
10:25 На бульвары Талбухіна – 2 міліцэйскія аўтазакі і аўтобусы.