Судзьдзя Сьвятлана Яхнавец палічыла, што назва “Вясна” не адпавядае парадку рэгістрацыі, бо супадае з назвай раней зьліквідаванага аб’яднаньня. Прагучала таксама спасылка на тое, што праваабаронцы падалі дакумэнт аб аплаце мыта за рэгістрацыю, а ня дзяржмыта.
Уладзімер Лабковіч камэнтуе рашэньне суду:
“Рашэньне на ўзроўні юрыдычнага абсурду. Гэта значыць, слова “вясна”, як і “праваабарончае аб’яднаньне”, забароненае. Пытаньне да таго, што мы аплацілі не дзяржмыта, а рэгістрацыйны збор — само, па сутнасьці, абсалютна абсурднае.
Яшчэ раз было пацьверджана, што праваабарончая дзейнасьць у Рэспубліцы Беларусь знаходзіцца па-за законам. Ніякай легальнай і афіцыйнай праваабарончай дзейнасьці ад імя арганізацыі ў гэтай краіне весьці немагчыма.
І ўсе гэтыя рэвэрансы і спробы паказаць сябе ў добрым выглядзе перад Эўропай проста рассыпаюцца перад такімі судамі й чыноўнікамі, як спадар Пячкураў, які ў судовым паседжаньні заявіў, што праваабарончая дзейнасьць у РБ забаронена. Улады гэтым працэсам самі яшчэ раз пацьвердзілі тую жахлівую сытуацыю з правамі чалавека ў Беларусі”.
Алесь Бяляцкі падчас выступу ў судзе прадэманстраваў фотапартрэты беларускіх грамадзянаў, ужо асуджаных за дзейнасьць ад імя незарэгістраванай арганізацыі. Гэта сябры “Маладога фронту” і “Партнэрства”.
Паводле спадара Бяляцкага, цягам трох апошніх гадоў было ліквідавана каля трохсот няўрадавых аб’яднаньняў. Наваствораным пасьлядоўна адмаўляецца ў рэгістрацыі.
Алесь Бяляцкі сказаў:
“Нам удалося засяродзіць увагу менавіта на самой рэпрэсіўнай сыстэме ўладаў адносна няўрадавых арганізацыяў — на прыкладзе непасрэдна рэгістрацыі “Вясны”.
Праваабаронцы заявілі, што працягнуць дзейнасьць. Валянцін Стэфановч апавёў пра наступныя крокі:
“Мы з рашэньнем суду ня згодныя. Будзем абскарджваць у парадку нагляду на імя старшыні Вярхоўнага Суду. Потым зноў будзем зьвяртацца ў Камітэт правоў чалавека ААН, бо таго рашэньня Камітэту аб ліквідацыі праваабарончага цэнтру “Вясна” нашы ўлады выконваць не жадаюць.
Бо і ў працэсе, і на прыёме ў намміністра юстыцыі мы казалі, што рэгістрацыю гэтага новага аб’яднаньня мы расцэньвалі б як кампэнсацыю нашых парушаных правоў, якія былі падчас ліквідацыі папярэдняга аб’яднаньня”.
Праваабаронцы прымусілі суд і Мін’юст гаварыць па-беларуску, 23.10.2007 Міністэрства юстыцыі не зарэгістравала “Вясну”, 24.08.2007 Ці зарэгіструюць “Вясну”?, 23.08.2007
Уладзімер Лабковіч камэнтуе рашэньне суду:
“Рашэньне на ўзроўні юрыдычнага абсурду. Гэта значыць, слова “вясна”, як і “праваабарончае аб’яднаньне”, забароненае. Пытаньне да таго, што мы аплацілі не дзяржмыта, а рэгістрацыйны збор — само, па сутнасьці, абсалютна абсурднае.
Яшчэ раз было пацьверджана, што праваабарончая дзейнасьць у Рэспубліцы Беларусь знаходзіцца па-за законам. Ніякай легальнай і афіцыйнай праваабарончай дзейнасьці ад імя арганізацыі ў гэтай краіне весьці немагчыма.
І ўсе гэтыя рэвэрансы і спробы паказаць сябе ў добрым выглядзе перад Эўропай проста рассыпаюцца перад такімі судамі й чыноўнікамі, як спадар Пячкураў, які ў судовым паседжаньні заявіў, што праваабарончая дзейнасьць у РБ забаронена. Улады гэтым працэсам самі яшчэ раз пацьвердзілі тую жахлівую сытуацыю з правамі чалавека ў Беларусі”.
Алесь Бяляцкі падчас выступу ў судзе прадэманстраваў фотапартрэты беларускіх грамадзянаў, ужо асуджаных за дзейнасьць ад імя незарэгістраванай арганізацыі. Гэта сябры “Маладога фронту” і “Партнэрства”.
Паводле спадара Бяляцкага, цягам трох апошніх гадоў было ліквідавана каля трохсот няўрадавых аб’яднаньняў. Наваствораным пасьлядоўна адмаўляецца ў рэгістрацыі.
Алесь Бяляцкі сказаў:
“Нам удалося засяродзіць увагу менавіта на самой рэпрэсіўнай сыстэме ўладаў адносна няўрадавых арганізацыяў — на прыкладзе непасрэдна рэгістрацыі “Вясны”.
Праваабаронцы заявілі, што працягнуць дзейнасьць. Валянцін Стэфановч апавёў пра наступныя крокі:
“Мы з рашэньнем суду ня згодныя. Будзем абскарджваць у парадку нагляду на імя старшыні Вярхоўнага Суду. Потым зноў будзем зьвяртацца ў Камітэт правоў чалавека ААН, бо таго рашэньня Камітэту аб ліквідацыі праваабарончага цэнтру “Вясна” нашы ўлады выконваць не жадаюць.
Бо і ў працэсе, і на прыёме ў намміністра юстыцыі мы казалі, што рэгістрацыю гэтага новага аб’яднаньня мы расцэньвалі б як кампэнсацыю нашых парушаных правоў, якія былі падчас ліквідацыі папярэдняга аб’яднаньня”.
Камітэт правоў чалавека ААН нядаўна прызнаў незаконнай ліквідацыю беларускімі ўладамі ў 2003 годзе праваабарончага цэнтру “Вясна”. Паводле Пакту аб грамадзянскіх і палітычных правах Камітэт лічыць, што беларускія праваабаронцы маюць права аднавіць рэгістрацыю “Вясны” і атрымаць кампэнсацыю.
Таксама ўлады абавязаныя прыняць захады, каб прадухіліць такія парушэньні.
Таксама ўлады абавязаныя прыняць захады, каб прадухіліць такія парушэньні.
Праваабаронцы прымусілі суд і Мін’юст гаварыць па-беларуску, 23.10.2007 Міністэрства юстыцыі не зарэгістравала “Вясну”, 24.08.2007 Ці зарэгіструюць “Вясну”?, 23.08.2007