Лінкі ўнівэрсальнага доступу

Горадня: дэмакратычную актывістку выключылі з унівэрсытэту


Сяргей Астраўцоў, Горадня Кацярыну Бычак выключылі з Гарадзенскага унівэрсытэту імя Янкі Купалы. Пра гэта ёй сёньня паведамілі ў дэканаце.

Дзяўчына навучалася на другім курсе юрыдычнага факультэту. Афіцыйна яе выключылі за “парушэньне ўнутранага распарадку” – за прапушчаныя ў верасьні заняткі.

Кацярына Бычак актыўна ўдзельнічала ў сёлетняй кампаніі “Абаронім Горадню ад разбурэньняў”. Разам з групай моладзі яна была на несанкцыянаваным пікеце супраць зруйнаваньня гмаху паравога млына на вуліцы Міхася Васілька. Кацярыну затрымалі міліцыянты, а суд пакараў яе адміністрацыйным папярэджаньнем.
XS
SM
MD
LG