Людзі зьбяруцца ў офісе Беларускай асацыяцыі журналістаў апоўдні і
паедуць на Калодзішчанскія могілкі, каб ушанаваць памяць забітай журналісткі.
Супрацоўніцу недзяржаўнай газэты “Салідарнасць” Вераніку Чаркасаву знайшлі 20-га кастрычніка 2004 году мёртвай у яе кватэры. На целе было болей за 40 нажавых ранаў. Забойцы дагэтуль не знайшлі. Адметна, што ня толькі само забойства, але і яго расьсьледаваньне за тры гады неаднаразова забірала ўвагу грамадзтва. Чаму?
Нагадаю, сярод розных вэрсіяў сьледзтва дастаткова хутка абрала адзіную – бытавую. Падазраванымі аб’явілі сына журналісткі Антона і яе айчыма Ўладзімера Мялешку, якія, паводле сьледзтва, заходзілі ў дзень забойства да Веранікі. Але тыя сваёй віны не прызналі. Цяпер яны кажуць нават аб правакацыях з боку сьледзтва. Так, у канцы 2005 году па абвінавачаньні ў падрабленьні валюты быў арыштаваны Антон. Паводле Ўладзімера Мялешкі, у турме ад юнака запатрабавалі прызнацца ў забойстве маці, а падрабленьне грошай насамрэч сьледчых не цікавіла.
“Прапаноўвалі яму: ты нам дапамажы, закрыем справу. Ён адмовіўся падпісваць тое, чаго не рабіў. Тады яны ўгаворвалі падпісаць, што забіваў дзед, а ён толькі прысутнічаў”, – расказвае Ўладзімер Мялешка.
Антон нічога не падпісаў і праз тры месяцы як непаўналетняга яго мусілі вызваліць. Цяпер падазрэньні зь яго і Ўладзімера Мялешкі афіцыйна зьнятыя, але маці Веранікі Чаркавасай Дзіяна не выключае, што яны зноў могуць стаць абвінавачанымі.
Болей за год таму сын Веранікі Чаркасавай Антон ад’ехаў зь Менску ў Маскву да бацькі. Дзіяна Чаркасава кажа, што ня ведае, дзе цяпер жыве яе ўнук. Ёй таксама дакладна невядома, у якім стане цяпер справа аб забойстве дачкі:
“Журналісты тэлефануюць у пракуратуру, і ім адказваюць, што “без камэнтару”. Нам таксама невядома, справа цяпер закрытая ці адкрытая. Апошняя інфармацыя была з пракуратуры месяц таму, што закрылі справу”.
Другая вэрсія – прафэсійная
Калегі Веранікі Чаркасавай дагэтуль не выключаюць: яе маглі забіць за прафэсійную дзейнасьць. У прыватнасьці, згадваюць, што Вераніка шмат пісала пра спэцслужбы, а таксама асьвятляла тэму беларуска-ірацкіх дачыненьняў у пару Садама Хусэйна.
Рэдактар газэты “Салідарнасць” Аляксандар Старыкевіч адзначае асаблівасьці сьледзтва ў справе Чаркасавай:
“Ёсьць такія падазрэньні. Яны абгрунтаваныя таму, што чамусьці ўлады вельмі неахвотна ставіліся да гэтай справы. Ня ўсе, на нашу думку, магчымасьці былі скарыстаныя для таго, каб яе раскрыць”.
У кватэры на вуліцы Някрасава, у якой знайшлі забітай Вераніку Чаркасаву, дагэтуль ніхто не жыве. Пакуль сьцены кватэры надзейна захоўваюць тайну забойства вядомай журналісткі.
Імёны Свабоды : Вераніка Чаркасава (12.1.1959 – 20.10.2004), 20.10.2006 Два гады таму забілі журналістку Вераніку Чаркасаву, 20.10.2006 Справа аб забойстве Веранікі Чаркасавай прыпыненая, 27.12.2005
Супрацоўніцу недзяржаўнай газэты “Салідарнасць” Вераніку Чаркасаву знайшлі 20-га кастрычніка 2004 году мёртвай у яе кватэры. На целе было болей за 40 нажавых ранаў. Забойцы дагэтуль не знайшлі. Адметна, што ня толькі само забойства, але і яго расьсьледаваньне за тры гады неаднаразова забірала ўвагу грамадзтва. Чаму?
Нагадаю, сярод розных вэрсіяў сьледзтва дастаткова хутка абрала адзіную – бытавую. Падазраванымі аб’явілі сына журналісткі Антона і яе айчыма Ўладзімера Мялешку, якія, паводле сьледзтва, заходзілі ў дзень забойства да Веранікі. Але тыя сваёй віны не прызналі. Цяпер яны кажуць нават аб правакацыях з боку сьледзтва. Так, у канцы 2005 году па абвінавачаньні ў падрабленьні валюты быў арыштаваны Антон. Паводле Ўладзімера Мялешкі, у турме ад юнака запатрабавалі прызнацца ў забойстве маці, а падрабленьне грошай насамрэч сьледчых не цікавіла.
“Прапаноўвалі яму: ты нам дапамажы, закрыем справу. Ён адмовіўся падпісваць тое, чаго не рабіў. Тады яны ўгаворвалі падпісаць, што забіваў дзед, а ён толькі прысутнічаў”, – расказвае Ўладзімер Мялешка.
Антон нічога не падпісаў і праз тры месяцы як непаўналетняга яго мусілі вызваліць. Цяпер падазрэньні зь яго і Ўладзімера Мялешкі афіцыйна зьнятыя, але маці Веранікі Чаркавасай Дзіяна не выключае, што яны зноў могуць стаць абвінавачанымі.
Болей за год таму сын Веранікі Чаркасавай Антон ад’ехаў зь Менску ў Маскву да бацькі. Дзіяна Чаркасава кажа, што ня ведае, дзе цяпер жыве яе ўнук. Ёй таксама дакладна невядома, у якім стане цяпер справа аб забойстве дачкі:
“Журналісты тэлефануюць у пракуратуру, і ім адказваюць, што “без камэнтару”. Нам таксама невядома, справа цяпер закрытая ці адкрытая. Апошняя інфармацыя была з пракуратуры месяц таму, што закрылі справу”.
Другая вэрсія – прафэсійная
Калегі Веранікі Чаркасавай дагэтуль не выключаюць: яе маглі забіць за прафэсійную дзейнасьць. У прыватнасьці, згадваюць, што Вераніка шмат пісала пра спэцслужбы, а таксама асьвятляла тэму беларуска-ірацкіх дачыненьняў у пару Садама Хусэйна.
Рэдактар газэты “Салідарнасць” Аляксандар Старыкевіч адзначае асаблівасьці сьледзтва ў справе Чаркасавай:
“Ёсьць такія падазрэньні. Яны абгрунтаваныя таму, што чамусьці ўлады вельмі неахвотна ставіліся да гэтай справы. Ня ўсе, на нашу думку, магчымасьці былі скарыстаныя для таго, каб яе раскрыць”.
У кватэры на вуліцы Някрасава, у якой знайшлі забітай Вераніку Чаркасаву, дагэтуль ніхто не жыве. Пакуль сьцены кватэры надзейна захоўваюць тайну забойства вядомай журналісткі.
Імёны Свабоды : Вераніка Чаркасава (12.1.1959 – 20.10.2004), 20.10.2006 Два гады таму забілі журналістку Вераніку Чаркасаву, 20.10.2006 Справа аб забойстве Веранікі Чаркасавай прыпыненая, 27.12.2005
